عامر لیاقت کی تیسری شادی کا ڈرامہ کب تک چلے گا؟
ہانیہ خان مزید ویڈیوز وائرل کرکے اینکر پرسن کی اہلیہ ہونے کا دعویٰ کررہی ہیں۔
سوشل میڈیا پر پاکستان کے معروف میزبان عامر لیاقت کی تیسری شادی کی افواہیں دم توڑنے کی نام ہی نہیں لے رہی ہیں۔ خاتون ہانیہ خان مزید ویڈیوز وائرل کرکے اینکر پرسن کی اہلیہ ہونے کا مسلسل دعویٰ کررہی ہیں۔
عامر لیاقت پاکستان کی میڈیا انڈسٹری کی ایک ایسی شخصیت ہیں جو اکثر و بیشتر سوشل میڈیا پر چھائے رہتے ہیں۔ لیکن ان دنوں عامر لیاقت کی تیسری اہلیہ ہونے کا دعویٰ کرنے والی ہانیہ خان نے ان کی جگہ لے لی ہے۔ ہانیہ متعدد سماجی رابطوں کی ویب سائٹس پر مختلف ویڈیوز میں یہ دعویٰ کرتے دکھائی دے رہی ہیں کہ عامر لیاقت نے انہیں دھوکا دیا ہے۔
ہانیہ خان نے ایکسپریس نیوز کے دفتر کے باہر پہنچ کر بھی ایک ویڈیو بنائی اور عملے سے عامر لیاقت کو باہر بلانے کا مطالبہ کیا۔ سکیورٹی اہلکاروں نے انہیں روکنے کی کوشش کی تو نازیبا زبان استعمال کی۔
یہ بھی پڑھیے
عامر لیاقت کے خلاف سازش یا کچھ اور؟
دوسری جانب عامر لیاقت نے فوٹو شیئرنگ ایپ انسٹاگرام پر ویڈیو شیئر کی جس میں طارق پرویز نامی شخص ہانیہ خان کے والد ہونے کا دعویٰ کررہا ہے اور کہہ رہا ہے کہ ان کی بیٹی عامر لیاقت سے نکاح کا جھوٹا الزام لگارہی ہے جس پر وہ معذرت خواہ ہیں۔
View this post on Instagram
طارق پرویز کا مزید کہنا ہے کہ ان کی بیٹی ہانیہ خان کا دماغی توازن ٹھیک نہیں ہے۔ طارق پرویز کے مطابق عامر لیاقت رمضان سے پہلے گھر آئے تھے اور ان کی مدد کی تھی جس کے بعد وہ واپس چلے گئے، اس سے زیادہ اور کوئی بات نہیں ہوئی تھی۔
اینکر پرسن کی شیئر کردہ ایک اور ویڈیو میں طارق پرویز عامر لیاقت کے گلے لگ کر رہ رہے ہیں اور معافی بھی مانگ رہے ہیں۔
View this post on Instagram
یہاں یہ بات ہم ہے کہ عامر لیاقت پہلے بھی انسٹاگرام پر تیسری شادی کی خبروں کی تردید کرتے ہوئے ویڈیو پیغام جاری کرچکے ہیں۔
View this post on Instagram
اس پورے قصے میں کون سچ بول رہا ہے اور کون جھوٹ یہ تو آنے والا وقت ہی بتائے گا لیکن عامر لیاقت کی تیسری شادی کا ڈرامہ اب کچھ زیادہ ہی طول پکڑ گیا ہے۔
