صنم جنگ اور جگن کاظم کے برانڈز متعارف
دونوں اداکاراؤں نے سوشل میڈیا پر اپنے برانڈز کی تشہیر کی۔
پاکستان کی معروف اداکاراؤں صنم جنگ اور جگن کاظم نے اپنے برانڈز متعارف کرادیئے ہیں۔ صنم جنگ نے پرفیومز جبکہ جگن کاظم نے اپنے بیوٹی برانڈ کے حوالے سے سوشل میڈیا پر مداحوں کو آگاہ کیا ہے۔
صنم جنگ نے اداکاری کے میدان سے نکل کر کاروبار کی دنیا میں قدم رکھ دیا ہے۔ اداکارہ نے اپنے نام سے پرفیوم کا برانڈ متعارف کرادیا ہے۔ فوٹو شیئرنگ ایپ انسٹاگرام پر صنم جنگ نے بتایا کہ انہیں خوشبو سے ہمیشہ لگاؤ رہا ہے اور پروفیومز کا برانڈ لانچ کرنا ان کی زندگی کا سب سے بڑا خواب تھا جو اب پورا ہوگیا ہے۔
View this post on Instagram
یہ بھی پڑھیے
عید پر سلون بند ہونے کی وجہ سے بہت نقصان ہوتا ہے، ہیما رضا
ابتدائی طور پر صنم جنگ نے 3 پرفیومز لانچ کیے ہیں۔ اداکارہ نے اپنے مداحوں سے پرفیومز خریدنے کی درخواست بھی کی ہے۔
View this post on Instagram
دوسری جانب اداکارہ اور میزبان جگن کاظم نے بھی اپنا بیوٹی برانڈ متعارف کرادیا ہے۔ جگن نے اپنی بیٹی نوربانو کے نام سے برانڈ ’نور‘ لانچ کیا ہے۔
View this post on Instagram
سوشل میڈیا پر برانڈ کی تشہیر کرتے ہوئے اداکارہ نے دعویٰ کیا ہے کہ جلد اور بالوں کی نشونما کے لیے لانچ کیے جانے والی پروڈکس کی تیاری میں خالص قدرتی اجزاء استعمال کیے گئے ہیں۔
View this post on Instagram
واضح رہے اس سے پہلے اداکارہ عائشہ عمر بھی اپنا بیوٹی برانڈ متعارف کراچکی ہیں۔
