منال خان کی شادی کا نہ ختم ہونے والا سلسلہ شروع
منگنی کے بعد ہونے والی پارٹی کی ویڈیو پر سوشل میڈیا صارفین کی جانب سے تنقید کی جارہی ہے۔
پاکستانی اداکارہ منال خان کی منگنی کی تصاویر اور ویڈیوز سوشل میڈیا پر وائرل ہوگئیں ہیں۔ 3 مرتبہ احسن محسن کے نام کی انگوٹھی پہننے والی اداکارہ کی منگنی کے بعد ہونے والی پارٹی کی غیر مناسب ویڈیو پر مداح ناراض ہوگئے۔
پاکستانی شوبز انڈسٹری کی مشہور جڑواں بہنیں ایمن اور منال کے ایک مرتبہ پھر سوشل میڈیا پر چرچے ہونے لگے ہیں۔ فوٹو شیئرنگ ایپ انسٹاگرام پر منال خان کی منگنی کی ویڈیوز اور تصاویر وائرل ہوگئیں ہیں۔ ایمن خان نے سوشل میڈیا پر بہن کی منگنی کی ویڈیو شیئر کرتے ہوئے پیغام میں نیک خواہشات کا اظہار کیا اور ساتھ ہی اس پرمسرت موقع پر مرحوم والد کی کمی کو محسوس کیا۔
View this post on Instagram
یہ بھی پڑھیے
نور بخاری کی منال خان اور احسن محسن کی تصویر پر تنقید
منال خان احسن محسن کے نام کی انگوٹھی 3 مرتبہ پہن چکی ہیں۔ پہلی مرتبہ 14 فروری کو ویلنٹائنز ڈے پر اداکارہ نے انسٹاگرام پر اعلان کیا تھا کہ ان کی احسن محسن سے منگنی ہوگئی ہے۔ منال خان نے انگوٹھی پہنے تصویر بھی شیئر کی تھی۔
دوسری مرتبہ 18 مئی کو گھر والوں کے ساتھ منگنی کی ایک سادہ سی تقریب منعقد کی گئی تھی جسے ’بات پکی‘ کا نام دیا گیا تھا۔
View this post on Instagram
جبکہ تیسری مرتبہ 11 جون کو منگنی کی شاندار تقریب سجائی گئی۔
View this post on Instagram
منال خان اور احسن محسن کی منگنی کے اگلے روز ہی ایک پارٹی کا اہتمام کیا گیا جس میں شوبز کی مختلف شخصیات کو بھی مدعو کیا گیا۔ پارٹی کی ایک نامناسب ویڈیو بھی منظر عام پر آئی جس پر مداحوں کی بڑی تعداد نے اداکارہ سے ناراضگی کا اظہار کیا۔
View this post on Instagram
واضح رہے کہ ایمن خان کی منیب بٹ سے شادی کی 15 سے زائد تقریبات منعقد کی گئیں تھیں۔ منال خان کی منگنی کے 4 فنکشنز ہوچکے ہیں۔ اب دیکھنا یہ ہے کہ منال خان اپنی بہن کا ریکارڈ توڑ پائیں گی یا نہیں؟
