شبانہ اعظمی کو آن لائن الکوحل کی خریداری مہنگی پڑگئی

بالی ووڈ کی مشہور اداکارہ شبانہ اعظمی کو جعلسازوں نے الکوحل کمپنی کے نام پر دھوکہ دے دیا ہے۔

سماجی رابطوں کی ویب سائٹ ٹوئٹر پر شبانہ اعظمی نے لکھا کہ میں نے ’لِوِنگ لِکوئڈز‘ کمپنی کو الکوحل کا آن لائن آرڈر دیا تھا لیکن اب تک مجھے الکوحل نہیں ملی ہے۔ اب تو کمپنی نے میری کالز بھی اٹھانا بند کردی ہیں۔

شبانہ اعظمی نے جس اکاؤنٹ میں پیسے جمع کرائے تھے ٹوئٹر پر اس کا نمبر، پیسے جمع کرانے کا طریقہ کار اور دیگر تفصیلات بھی شئیر کیں ہیں۔ تاہم انہوں نے اکاؤنٹ میں کتنے پیسے جمع کرائے اس کی تفصیلات نہیں بتائی ہیں۔

Finally traced the owners of @living_liquidz & it turns out that the people who cheated me are fraudsters who have nothing to do with Living Liquidz! I urge @mumbaipolice and @cybercrime to take action to stop these crooks from using names of legitimate businesses & scamming us https://t.co/AUobsRg0on

— Azmi Shabana (@AzmiShabana) June 24, 2021

یہ بھی پڑھیے

اکشے کمار وزیر اعظم عمران خان کی حمایت میں

اداکارہ نے ٹوئٹر پر لکھا کہ وہ یہ کاروبار چلانے والے لوگوں کا پتہ لگانے میں کامیاب ہوگئی ہیں۔ دھوکہ دینے والوں کا تعلق ’لِوِنگ لِکوئڈز‘ سے نہیں تھا۔ اداکارہ نے ممبئی پولیس پر زور دیا ہے کہ وہ ان لوگوں کے خلاف کارروائی کریں جنہوں نے انہیں دھوکہ دیا ہے۔

واضح رہے کہ یہ پہلا واقعہ نہیں ہے بلکہ ماضی میں اکشے کھنہ، نرگس فخری اور کرن سنگھ گروور سمیت بالی ووڈ کی مشہور شخصیات آن لائن دھوکے کا شکار ہوچکی ہیں۔