عشنا شاہ اور نگہت داد ٹوئٹر پر آمنے سامنے
نگہت داد نے فنکاروں پر تنقید کی تو اداکارہ نے بھرپور انداز سے دفاع کیا۔
سماجی رابطوں کی ویب سائٹ ٹوئٹر پر وکیل نگہت داد اور اداکارہ عشنا شاہ آمنے سامنے آگئیں۔ نگہت داد نے فنکاروں پر تنقید کی تو اداکارہ نے بھرپور انداز سے دفاع کیا۔
نور مقدم کے قتل کے بعد فنکاروں نے معاشرے میں بڑھتے ہوئے تشدد کے خلاف سوشل میڈیا پر بھرپور آواز اٹھائی لیکن وکیل نگہت داد کو یہ بات پسند نہ آئی، انہوں نے ٹوئٹر پر پیغام میں لکھا کہ اگر پاکستانی اداکار اپنے فن پر توجہ دیں تو ٹی وی پر کچھ اچھا مواد دیکھنے کو ملے، افسوس ہمارے فنکاروں کا حقوق نسواں کا پرچار صرف سوشل میڈیا تک ہی محدود ہے، اتنا تکلف بھی کیوں کرتے ہیں آپ؟
If Pakistani drama artists focus more on their art instead of Instagram obsession we can have some good content on our TV screens. Unfortunately their performative activism and feminism is limited to social media platforms only. Itna takkaluf bhi kyun kertay hain aap?
— Nighat Dad (@nighatdad) July 30, 2021
یہ بھی پڑھیے
نور مقدم قتل کیس پر اداکارائیں یک زبان
اس ٹوئٹ پر اداکارہ عشنا شاہ نے جواب دیا کہ نگہت صاحبہ آپ فنکاروں کے بارے میں کچھ کہنے سے پہلے زرا سوچیں، ہم میں سے بہت سے افراد خاموشی سے اس حوالے سے کام کررہے ہیں، ہم سب اپنی طرف سے جو ممکن ہوسکتا ہے کرتے ہیں لیکن فیصلے کا اختیار ہمیں نہیں ہے، ہماری جگہ کبھی بھی کوئی بھی لے سکتا ہے ، اگر آپ چاہتی ہیں کہ ہم ہڑتال پر چلے جائیں تو براہ مہربانی آپ ہمیں آگے کام ملنے کی ضمانت بھی دیں۔
Nighat, with all due respect, please think before degrading artists. Many of us continuously fight behind the scenes for this & take as many stands as possible but the final say isn’t ours. We are replaceable & have bills to pay. If you want us to strike, pls guarantee us work!
— Ushna Shah (@ushnashah) July 30, 2021
عشنا شاہ کے جواب پر نگہت داد نے ان سے مخاطب ہوکر کہا کہ فنکاروں کو ایسے اقدامات کرنے کی ضرورت ہے جس سے ڈراموں کے اسکرپٹ میں نمایاں تبدیلیاں نظر آئیں۔ ہمارے ڈرامے معاشرے کے سدھار نہیں بلکہ بگاڑ کا باعث بن رہے ہیں، یہ حقوق نسواں کے لیے کام کرنے والوں کی محنت کو ضائع کررہے ہیں۔ نگہت داد نے واضح کیا کہ ان کے پہلے ٹوئٹ کا مقصد کسی کی دل آزاری کرنا نہیں بلکہ پاکستانی ڈرامہ انڈسٹری پر مثبت تنقید کرنا تھا جس سے بہتری لائی جاسکے۔
Ushna artists really need to take a strong stance to bring noticeable change in scripts, our dramas at the moment are not helping society instead damaging the work of feminists & activists on ground. TBh it’s a fair criticism on our drama industry, no intention to degrade anyone.
— Nighat Dad (@nighatdad) July 30, 2021
ہمارے معاشرے میں لوگوں کی تنقید کرنے کی عادت بہت عام ہے۔ سماج میں ہونے والے کسی بھی افسوسناک واقعے پر ہر شخص اپنے دائرے میں رہتے ہوئے اس کے خلاف آواز یا اقدام اٹھانے کی کوشش کرتا ہے۔ ایسے میں اس شخص پر تنقید کا کوئی جواز نہیں بنتا۔ بلکہ ایسے شخص کی حوصلہ افزائی کرنی چاہیئے۔ فنکاروں کے سوشل میڈیا پر بیانات خاصی اہمیت رکھتے ہیں اور مداح ان کی بات سنتے ہیں۔ اگر وہ اس میڈیم کا استعمال کرکے کوئی اچھا پیغام دے رہے ہیں تو اس اقدام کی حوصلہ شکنی نہیں کی جانی چاہیئے۔
