ناصر خان جان دولہا بننے کو تیار
سوشل میڈیا اسٹار کو جہیز لینے پر تنقید کا نشانہ بنایا جارہا ہے۔
سوشل میڈیا اسٹار ناصر خان جان جلد ہی دولہا بننے والے ہیں، سماجی رابطوں کی ویب سائٹ ٹوئٹر پر سسرال سے آئے ہوئے جہیز کی تصویر شیئر کردی۔
ناصر خان جان کو کون نہیں جانتا، سوشل میڈیا پر اپنی ویڈیوز کے ذریعے شہرت حاصل کرنے والے ناصر خان جان کی شادی کی تیاریاں حتمی مراحل میں داخل ہوگئی ہیں۔ معروف وی لاگر نے ٹوئٹر پر جہیز کی تصویر شیئر کرتے ہوئے لکھا کہ آخرکار سسرال سے فرنیچر آگیا۔
Finally furniture arrived from in laws . And I’m ready guys pic.twitter.com/blSt8wtDZO
— Nasir Khan Jan (@NKJModel) August 1, 2021
یہ بھی پڑھیے
ناصر خان جان کی سوشل میڈیا پر دلچسپ پیشکش
سوشل میڈیا صارفین اور ان کے مداح سسرال سے جہیز لینے پر شدید نالاں ہیں۔ ناصر خان جان کے فالورز کا کہنا ہے کہ انہیں جہیز نہ لے کر مثال قائم کرنی چاہیے تھی الٹا انہوں نے خود جہیز لے کر معاشرے کی اس فرسودہ روایت کو مزید بڑھاوا دیا ہے۔
NKJ apko jahez nahi Lena chaye. Ap example banain jaisay ap already hain!
— Noorin 🌻 (@noturcindrella) August 1, 2021
ایک صارف نے کہا کہ ناصر خان جان نے روایت الٹ دی ہے۔ پشتون خاندانوں میں اکثر شادی کا سارا مالی بوجھ لڑکے کو اٹھانا پڑتا ہے۔
ناصر خان جان نے روایت الٹ دی ہے۔ پشتونوں میں اکثر شادی کا سارا مالی بوجھ لڑکے کو اٹھانا پڑتا ہے۔
— Usman Qazi (@UsmanQazi1) August 1, 2021
ناصر خان جان نے خود پر ہونے والی تنقید کا جواب دیتے ہوئے کہا کہ انہوں نے کوئی ڈیمانڈ نہیں کی تھی بلکہ سسرال والوں نے اپنی خوشی سے دیا ہے۔
Ye lia nai hai unho ne apni khushi se dia hai . No Demand
— Nasir Khan Jan (@NKJModel) August 1, 2021
کچھ روز قبل ناصر خان جان نے شادی ہال کی تصویر شیئر کرتے ہوئے مداحوں کو شادی میں شرکت کی دعوت بھی دی تھی۔ ساتھ مزاحیہ انداز میں لکھا تھا کہ وہ صرف مہنگے تحفے ہی قبول کریں گے۔
View this post on Instagram
اب ناصر خان جان واقعی شادی کے بندھن میں بندھنے جا رہے ہیں یا یہ کوئی مذاق ہے، کچھ دنوں میں اس حقیقت سے پردہ ہٹ ہی جائے گا۔
