کراچی کی مکھیوں پر تنقیدشہزاد رائے کو مہنگی پڑگئی
معروف بلاگر مہوش اعجاز نے گلوکار سے کہا کہ کراچی سے نفرت نہیں چلے گی۔
پاکستان کے معروف گلوکار شہزاد رائے نے کراچی کو روشنیوں کے شہر کے بجائے مکھیوں کا شہر کہہ دیا تو انہیں لینے کے دینے پڑگئے۔ سوشل میڈیا صارفین کی تنقید پر گلوکار نے اپنی غلطی کا اعتراف کرلیا اور شعر پڑھ کر مداحوں کا غصہ کم کرنے کی کوشش کی۔
شہر قائد میں ان دنوں مکھیوں نے ڈیرے ڈال رکھے ہیں۔ شہزاد رائے نے سماجی رابطوں کی ویب سائٹ ٹوئٹر پر تنگ آکر لکھا کہ کراچی روشنیوں کا شہر نہیں بلکہ مکھیوں کا شہر ہے۔ پوسٹ پر ناقدین نے دھاوا بول دیا۔
معروف بلاگر مہوش اعجاز نے شہزاد رائے کی پوسٹ پر تبصرہ کرتے ہوئے کہا کہ کراچی سے نفرت نہیں چلے گی۔
hate on karachi will not be tolerated pls https://t.co/2WV980XAEO
— Mahwash Ajaz 🇵🇰 (@mahwashajaz_) August 5, 2021
یہ بھی پڑھیے
ماہرہ خان کا ڈرامہ پہلے گانا بعد میں
معروف گلوکار کی پوسٹ پر ایک صارف نے غصے کا اظہار کرتے ہوئے لکھا کہ اگر ایسا ہے تو آپ جہاں سے آئے ہیں وہیں چلے جائیں۔
Asha G to fir jahan se aye ho wahan wapis jao
— Abdul Jabbar (@AbdulJa39258164) August 5, 2021
صرف ٹوئٹر ہی نہیں، فوٹو شیئرنگ ایپ انسٹاگرام پر بھی شہزاد رائے کو تنقید کا نشانہ بنایا گیا۔ جس پر انہوں نے ایک ویڈیو پیغام شیئر کیا جس میں وہ ایک شعر پڑھتے دکھائی دیئے۔
View this post on Instagram
معروف گلوکار نے ویڈیو پیغام کے ساتھ لکھا کہ انہیں معلوم تھا کہ پوسٹ پر ردعمل کیا آئے گا لیکن پھر بھی انہوں نے ایسا کیا جوکہ ان کی غلطی تھی، اس غلطی کے بعد فوراً ہی ان کے ذہن میں یہ شعر آیا۔
واضح رہے کہ شہزاد رائے اکثر سماجی مسائل پر روشنی ڈالتے ہیں اور ان کے حل کے لیے مختلف مہمات کا حصہ بھی بنتے ہیں۔ گلوکار معاشرتی مسائل پر گانے بھی تخلیق کرتے ہیں جنہیں عوام کی جانب سے بےحد پسند کیا جاتا ہے تاہم شہزاد رائے کو کراچی کی مکھیوں پر تنقید کرنا مہنگا پڑگیا۔
