لکس اسٹائل ایوارڈز؛ نامزدگیوں پر سونیا حسین، کبریٰ خان اور یاسرہ رضوی ہم آواز
کبریٰ خان کو نامزد نہ کرنے پر مداحوں نے لکس اسٹائل ایوارڈز کو تنقید کا نشانہ بنایا۔
![](https://news360.tv/wp-content/uploads/2021/08/سونیا-حسین-1.jpg)
لکس اسٹائل ایوارڈز کی نامزدگیوں کے منظر عام پر آنے کے ساتھ ہی شوبز انڈسٹری میں واویلا مچ گیا، سونیا حسین کے بعد یاسرہ رضوی اور کبریٰ خان بھی میدان میں آگئیں۔
لکس اسٹائل ایوارڈز ہر سال اپنے ساتھ کوئی نہ کوئی تنازعہ ضرور لے آتے ہیں۔ اس مرتبہ بھی ڈراموں کی نامزدگیوں کے حوالے سے کچھ اداکارا ؤں اور مداحوں کو شدید تحفظات ہیں۔ سب سے پہلے اداکارہ سونیا حسین میدان میں آئیں اور اپنے ڈرامہ سیریل سراب کو نامزد نہ کرنے پر لکس اسٹائل ایوارڈز کی انتظامیہ کو شدید تنقید کا نشانہ بنایا۔
یہ بھی پڑھیے
انجلینا جولی کی 3 انسٹاگرام پوسٹ سے ایک کروڑ فالوورز
سونیا حسین کے بعد یاسرہ رضوی نے اپنی انسٹاگرام اسٹوری میں لکھا کہ لکس ایک بیوٹی برانڈ ہے۔ اس لیے دیگر کمپنیوں کی طرح ان کی توجہ بھی اپنی مصنوعات کی فروخت اور منافع بڑھانے پر مرکوز ہوتی ہے۔ اپنے مقصد کے حصول کے لیے یہ لوگ آرٹ کا استعمال کرتے ہیں۔ آرٹ کی خدمت کرنا ان کا مقصد بالکل بھی نہیں ہوتا۔
ڈرامہ سیریل الف میں کبریٰ خان نے حسن جہاں کا کردار نبھایا اور خوب داد وصول کی لیکن حیران کن طور پر انہیں بھی لکس اسٹائل ایوارڈز میں نامزد نہیں کیا گیا۔
لاجواب اداکاری پر کبریٰ خان کو نامزد نہ کرنے پر مداحوں نے لکس اسٹائل ایوارڈز کو تنقد کا نشانہ بنایا۔ اداکارہ نے سماجی رابطوں کی ویب سائٹ ٹوئٹر پر پوسٹ شیئر کرتے ہوئے مداحوں کا شکریہ ادا کیا۔ لکھا کہ ان کا اصل ایوارڈ مداحوں کا وہ پیار ہے جو انہوں نے پچھلے چوبیس گھنٹوں میں دیکھا، اور یہ ان کے لیے ٹروفی سے بڑھ کر ہے۔
Izzat denay wale..sirf Aur sirf Allah miyan hain.I know alot of you are upset that #HusneJahan isn’t nominated for #LuxStyle But theFight..theLove..theSupport I’ve seen in theLast 24hrs is worth SoMuch more than any Trophy for me.If this isn’t victory I don’t know what is.🥰🙏🏼🏆
— Kubra Khan Official (@KubraMKhan) August 28, 2021
ایک اور پوسٹ میں اداکارہ نے لکھا کہ جیتنے والے شخص کو نہ تو کسی اسٹیج کی ضرورت ہوتی ہے نہ ہی کسی تقریب کی۔
So here I am.. extremely overwhelmed.. thanking each and everyone of you.. for making me feel like a Winner. A winner who doesn’t need no stage.. nor ceremony.. cause You guys.. ahh guys! #AbRulayengeKiya? #MyAwardisRightHere
❤️ https://t.co/M8uXidtq2S— Kubra Khan Official (@KubraMKhan) August 28, 2021