گلوکار سجاد علی اداکارہ سونیا حسین جون ایلیا کے مداح
پوسٹ کی گئی ویڈیو میں سجاد علی اداکارہ کو معروف شاعر جون ایلیا کا ایک شعر سنا رہے ہیں
پاکستان کے معروف گلوکار سجاد علی نے اداکار سونیا حسین کے ساتھ ملاقات کو جون ایلیا کے شعر سے یادگار بنادیا ، اداکارہ سونیا حسین نے سوشل میڈیا کی ویب سائٹ انسٹاگرام پر کچھ تصاویر اور ویڈیو شیئر کیں جن میں گلوکار سجاد علی کے ساتھ موجود ہیں۔سجاد علی نے سونیا حسین کو دل کو چھو لینے والے اشعار سنا کر سوشل میڈیا پر دل جیت لئے ہیں۔
اداکارہ نے اپنی پوسٹ میں لکھا کہ آرام کرنے کا اس سے بہتر طریقہ کیا ہو سکتا ہے کہ پہاڑوں میں گھری ہوئی گرم کافی پی لیں اور دل کو گرما دینے والی شاعری سنیں۔ پوسٹ کی گئی ویڈیو میں سجاد علی اداکارہ کو معروف شاعر جون ایلیا کا ایک شعر سنا رہے ہیں جو کچھ یوں ہے۔
یہ بھی پڑھیے
سجاد علی کو خوبصورت منظر میں آر ڈی برمن یاد آگئے
View this post on Instagram
شرم دہشت جھجھک پریشانی
ناز سے کام کیوں نہیں لیتیں
آپ وہ جی مگر یہ سب کیا ہے
تم مرا نام کیوں نہیں لیتیں
ان ویڈیوز اور تصاویر کو سونیا نے انسٹاگرام پر شیئر کیا ہے تاہم یہ معلوم نہیں ہے کہ یہ ویڈیوز کہاں بنائی گئی ہے لیکن ممکن ہے کہ دونوں کی ملاقات نتھیا گلی میں ہوئی ہو گی جیسا کہ سجاد کی پچھلی پوسٹس سے ظاہر ہوتا ہے۔
