اداکار اعجاز اسلم کے والد کراچی میں انتقال کرگئے
پاکستان فلم اور ڈرامہ انڈسٹری کے معروف اداکار اعجاز اسلم کے والد کراچی میں انتقال کر گئے۔ وہ کچھ عرصے سے نجی اسپتال میں زیر علاج تھے۔
اداکار اعجاز اسلم کے انتقال کی خبر ان کے دوست اور مقبول اداکار عدنان صدیقی نے اپنے فیس بک اکاؤنٹ پر شیئر کی اور انہوں نے اپنے عزیز دوست کے والد کے انتقال پر گہرے دکھ کا اظہار کیا ہے۔ دونوں اداکار ایک دوسرے کے گہرے دوست ہیں دونوں نے اداکاری کا سفر ایک ساتھ شروع کیا۔
یہ بھی پڑھیے
کراچی:گلستان جوہر میں فائرنگ، سیکرٹری سندھ بار کونسل جاں بحق
اداکار عدنان صدیقی نے اپنے فیس بک اکاؤنٹ پر بھی اعجاز اسلم کے والد کے انتقال کی خبر شیئر کی ہے۔ عدنان صدیقی نے لکھا، “إِنَّا لِلَّٰهِ وَإِنَّا إِلَيْهِ رَاجِعُونَ۔ آپ لوگوں کو بتاتےہوئے افسوس ہورہا ہے کہ ہمارے پیارے دوست اعجاز اسلم کے والد کا کچھ دیر پہلے انتقال ہو گیا ہے۔ اہل خانہ کو اپنی دعاؤں میں یاد رکھیں ۔ اللہ تعالیٰ انکے والد کو جنت الفردوس میں اعلیٰ مقام عطا فرمائے۔”
علاوہ ازیں فیصل قریشی نے اعجاز اسلم کے والد کے انتقال کی خبر بھی سوشل میڈیا پر شیئر کی ہے۔
اداکار اعجاز اسلم کے والد کی نماز جنازہ بعد نماز ظہر ڈی ایچ اے کراچی میں خیابانِ محفوظ میں ادا کی گئی۔
