ایکسینٹ کی آصف غفور کو لیفٹیننٹ جنرل بننے پر مبارکباد

اکسینٹ کے مرکزی گلوکار ایڈریان سینا نے ایک بار پھر چائے پینے کی خواہش کا اظہار کردیا

روم کے عالمی شہرت یافتہ بینڈ اکسینٹ کے مرکزی گلوکار ایڈریان سینا نے آصف غفور کی لیفٹیننٹ جنرل کے عہدے پر ترقی کی مبارکباد پیش کی ہے۔

سماجی رابطے کی ویب سائٹ ٹوئٹر پراکسینٹ نے پیغام جاری کیا ہے۔ پیغام میں لکھا کہ ‘لیفٹیننٹ جنرل کے عہدے پر فائز ہونے پر مبارک ہو میرے دوست’۔

تاہم طنزومزاح کے ساتھ لکھا کہ ‘میں ایک بار پھر چائے کا لاجواب کپ پینے کا انتظار نہیں کرسکتا’۔

ساتھ ہی گزشتہ برس لی گئی تصویر بھی شیئر کی جس میں ایڈریان سینا اورآصف غفور چائے کے کپ لیے ساتھ کھڑے ہیں۔

اس سے قبل پاک فوج نے 6 میجرجنرلز کو لیفٹیننٹ جنرل کے عہدوں پر ترقی دی تھی۔

ڈی جی آئی ایس پی آر کی ٹوئٹ کے مطابق آصف غفور کو بھی میجر جنرل سے لیفٹیننٹ جنرل کے عہدے پر ترقی دی گئی ہے۔

یہ بھی پڑھیے

پاکستانی فوج میں اعلی سطح پر 6 ترقیاں

متعلقہ تحاریر