اسپاٹیفائی کا گلوکارہ حدیقہ کیانی کو منفرد انداز میں خراج تحسین
اسپاٹیفائی نے گلوکارہ حدیقہ کیانی کو اپنے EQUAL Pakistanپروگرام کی سفیر کے اعزاز سے نوازا اور انکی تصویر نیویارک کے ٹائمز اسکوائر پر آویزاں کردی
دنیا بھر میں موسیقی کی آن لائن اسٹریمنگ کے سب سے بڑے پلیٹ فارم اسپاٹیفائی نے گلوکارہ حدیقہ کیانی کو منفرد انداز میں خراج تحسین پیش کرتے ہوئے اپنے EQUAL Pakistanپروگرام کی سفیر کے اعزاز سے نوازا ہے۔
گلوکارہ حدیقہ کیانی نے موسیقی کیلیے خدمات کو سراہنے پر میوزک اسٹریمنگ پلیٹ فارم سے اظہار تشکر کیا ہے۔
یہ بھی پڑھیے
علی ظفر کو 42ویں سالگرہ پر بڑھتی عمر کا خوف لاحق ہوگیا؟
اداکارہ ریما کو کس پرانے گیت نے ماضی کی یاد دلادی ؟
دنیابھر میں موسیقی کی آن لائن اسٹریمنگ کے سب سے بڑے پلیٹ فارم اسپاٹیفائی نے ایکول پاکستان مہم کے تحت عروج آفتاب اور مہک علی کے بعد گلوکارہ حدیقہ کیانی کو شاندار انداز میں خراج تحسین پیش کیا ہے۔
View this post on Instagram
اسپاٹی فائی نے حدیقہ کیانی کی تصویر نیویارک کے ٹائمز اسکوائر پر آویزاں کی ہے جس پر گلوکارہ و اداکارہ نے میوزک اسٹریمنگ پلیٹ فارم کا شکریہ بھی اداکیا ہے۔
Grateful 💚 pic.twitter.com/Ax6MVKPzHn
— Hadiqa Kiani (@Hadiqa_Kiani) May 20, 2022
اسپاٹیفائی پاکستانی خواتین تخلیق کاروں کواپنا تیار کردہ مواد ایک پلیٹ فارم کیلیے دنیا بھر تک پہنچانے کے مشن پر عمل پیرا ہے۔اس سلسلے میں خواتین کے عالمی دن کی مناسبت سے اسپٹیفائی نے مارچ میں EQUAL Pakistan مہم لانچ کی تھی۔
EQUAL Pakistan کے ذریعے اسپاٹیفائی کے گلوبل میوزک پروگرام کا مقصد اپنے وسائل کا استعمال کرتے ہوئے خواتین تخلیق کاروں کے کام توسیع دینا اور عالمی سطح پر ان تخلیق کاروں کے لیے نئے مواقع فراہم کرنا ہے۔
View this post on Instagram
EQUAL Pakistan ہر مہینے ایک ایمبیسیڈر آف دی منتھ کو اسپاٹ لائٹ کرتا ہے، ان کے گانوں کو اجاگر کرتا ہے اور مداحوں کو انہیں دریافت کرنے کی ترغیب دیتا ہے۔اسپاٹیفائی نے مارچ میں پاکستانی میوزک سنسنیشن عروج آفتاب کو EQUAL Pakistanکی پہلی سفیر بنایا تھا۔
اپریل کے مہینے میں مہک علی EQUAL Pakistanکی سفیر بنی تھیں اور اب مئی کے مہینے میں گلوکارہ حدیقہ کیانی کوEQUAL Pakistan سفیر کے اعزاز سے نوازا گیا ہے۔
View this post on Instagram
واضح رہے کہ25 سال تک گلوکاری کے میدان میں کامیابی کے جھنڈے گاڑنے والی حدیقہ کیانی نے اداکاری کے میدان میں بھی اپنی صلاحیتوں کا لوہا منوایا ہے اور اب تک ان کے دو ڈرامہ سیریل ہٹ ہوچکے ہیں جبکہ ان دنوں پر وہ تیسرے ڈرامے پر کام شروع کرنے کی تیاریوں میں مصروف ہیں۔
