میوزک کا ایکسٹرا ڈوز علی ظفر اور سجاد علی کے گانے ایک ساتھ

پاکستان کے معروف گلوکار علی ظفر نے مشہور سندھی گیت ‘الے منجھا ماروڑا ‘ کا ریمکس ورژن لانچ کردیا ہے۔ گلوکار گانے کی ویڈیو میں منفرد روپ میں نظر آئے۔

رنگوں سے بھرپور عکس بندی میں سندھ کے ثقافتی رنگ دکھائی دیئے۔ ‘الے منجھا مار وڑا’ میں علی ظفر کے علاوہ عروج فاطمہ اور عابد بروہی نے اپنی آواز کا جادو جگایا ہے۔ اجرک اور ثقافتی رقص کے ساتھ عابد بروہی کے ریپنگ کے تڑکے نے گانے کو سب سے ممتاز کردیا ہے۔

سماجی رابطے کی ویب سائٹ ٹوئٹر پر جاری پیغام میں علی ظفر نے یہ گانا سندھی بھائیوں اور بہنوں کے ساتھ اجرک بنانے والے کاریگروں کے نام کیا۔

Here is it! For all my Sindhi brothers & sisters and the artisans of #Ajrak. We all need to work together in preserving & promoting our Sindhi cultural heritage. Make it a trend for Sindh! #Allay #JiyeSindh #SindhiCultureDay2020 https://t.co/xXfddIIZsi

— Ali Zafar (@AliZafarsays) November 26, 2020

شائقین کی جانب سے گانے کو بے حد پسند کیا جارہا ہے۔ اس بات کا اندازہ یوں لگایا جاسکتا ہے کہ یوٹیوب پر 24 گھنٹوں سے بھی کم وقت میں یہ گانا ڈیڑھ لاکھ سے زائد ویوز لے گیا ہے۔

علی ظفر نے ‘الے منجھا مار وڑا’ کی اس قدر پسندیدگی پر مداحوں کا شکریہ ادا کیا۔ ٹوئٹر پر اپنی پوسٹ میں انہوں نے لکھا کہ ہمیں اپنے ثقافتی ورثے کو زیادہ سے زیادہ فروغ دینا چاہیے۔

I am happy to see you all like the song and it trending so quickly. We need to do a lot more to promote our culture and heritage. Let’s have a Q&A today at 3 pm and discuss how we can all do more for #Sindh. #Allay #jiyesindh #Ajrak https://t.co/9XIXhkT6MO

— Ali Zafar (@AliZafarsays) November 27, 2020

یہ بھی پڑھیے

عاطف اسلم کا ‘کدی تے ہنس بول وے’ کا ریمکس

دوسری جانب سجاد علی کا گانا ‘مولا’ 13 روز قبل ریلیز ہوا۔ سجاد علی کے علاوہ گلوکارہ عائمہ بیگ کے سروں نے بھی شائقین کے دل جیت لیے۔ گانے کو اب تک 19 لاکھ سے زائد افراد دیکھ چکے ہیں۔

گانے کی کامیابی پر سجاد علی نے سماجی رابطے کی ویب سائٹ ٹوئٹر پر مداحوں کا شکریہ ادا کیا۔ خصوصی پیغام میں معروف گلوکار گٹار کی دھن پر گانا گنگناتے نظر آئے۔

Thank you so much for the INCREDIBLE response to Maula 💙 #MillionsOfMeals @pepsipakistan pic.twitter.com/KIhFABvBqu

— Sajjad Ali (@sajjad_official) November 26, 2020