تحریک انصاف کا اللہ رکھا پانی پوری سے اظہار ہمدردی
اللہ رکھا صاحب! آپ عظیم فنکار ہیں اور ایمانداری سے روزی کماتے ہیں۔ ہماری نیک خواہشات آپ کے ساتھ ہیں، اپنے اصل ٹوئٹر اکاؤنٹ کے حوالے سے بیداری پھیلائیں تاکہ جعلساز آپ کے نام سے فائدہ نہ اٹھاسکیں، تحریک انصاف
مسلم لیگ ن کے لبرٹی چوک جلسے سے شہرت حاصل کرنےوالے فنکار اللہ رکھا پانی پوری عرف پیپسی سماجی بائیکاٹ کا شکار ہوئے تو خود پی ٹی آئی ان کی مدد کو آگئی۔
مسلم لیگ ن کے جلسے میں سربراہ تحریک انصاف عمران خان کی نقل اتارنے اور انہیں تنقید کا نشانہ بنانے پر پی ٹی آئی کے حامی سوشل میڈیا صارفین اللہ رکھا پانی پوری عرف پیسی کے بائیکاٹ کی مہم چلا رہے تھے جس کی وجہ سے انہیں روزگار کے حصول میں شدید مشکلات کا سامنا تھا۔
یہ بھی پڑھیے
ن لیگ والے صرف حوصلہ دیتے ہیں پیسا نہیں، اللہ رکھا پیپسی کا شکوہ
مسلم لیگ ن اور اتحادی جماعتوں کی سپریم کورٹ کو بدنام کرنے کے لیے سوشل میڈیا مہم
اللہ رکھا پانی پوری ایک انٹرویو میں اپنی مشکلات اور روزگار کے حصول کیلیے اپنی جدوجہد کا ذکرکرتے ہوئے آبدیدہ ہوگئے جس پر پی ٹی آئی کے حامی ایک سوشل میڈیا صارف نے افسوس اور ہمدردی کا اظہار کرتے ہوئے تحریک انصاف کے آفیشل ٹوئٹر ہینڈل سے اللہ رکھا پانی پوری عرف پیسی کی پذیرائی کی درخواست کی تھی۔
This broke my heart. I did not mock him but I did like some content which did and feel deeply ashamed. I wish @PTIofficial sends a message in support of him and other struggling artists and perhaps we can invite him to our own celebrations at liberty?pic.twitter.com/SNDvjqLJDR
— Hamza (@HamzaKK) July 27, 2022
حمزہ کے کے نامی پی ٹی آئی کے حامی نے اپنے ٹوئٹر ہینڈل پر اللہ رکھا پانی پوری عرف پیپسی کےانٹرویو کی وڈیو شیئر کرتے ہوئے لکھا تھا کہ یہ وڈیو دیکھ کر میرا دل دل ٹوٹ گیا ہے، میں نے ان کا مذاق نہیں اڑا یا لیکن کچھ ایسے موادکو پسند ضرور کیا ہے جس پر مجھے شدید شرمندگی ہے۔
انہوں نے پی ٹی آئی کے آفیشل ٹوئٹر ہینڈل کو ٹیگ کرتے ہوئے لکھا کہ میں امید کرتا ہوں آپ ان کی اور جدوجہد میں مصروف دیگرفنکاروں کی حمایت میں پیغام جاری کریں گےاور لبرٹی چوک میں منعقدہ اپنے جشن کی تقریب میں انہیں مدعو کریں گے۔
Update🚨
PTIO gave @AR_Panipuri a shoutout 👇 thanks @agentjay2009
As other have pointed out, please follow his YouTube channel for content https://t.co/QezvBYYmeo
He gave his number, try to support him by booking him for any events if you can@sufisal is also helping 🙏🏼 https://t.co/IMYY48p1nh
— Hamza (@HamzaKK) July 28, 2022
بعدازاں تحریک انصاف آفیشل ٹوئٹر ہینڈل نے اپنے ٹوئٹ میں کہا ہے کہ اللہ رکھا صاحب! آپ عظیم فنکار ہیں اور ایمانداری سے روزی کماتے ہیں۔ ہماری نیک خواہشات آپ کے ساتھ ہیں، اپنے اصل ٹوئٹر اکاؤنٹ کے حوالے سے بیداری پھیلائیں تاکہ جعلساز آپ کے نام سے فائدہ نہ اٹھاسکیں۔
