اداکارہ عروہ حسین کا مہرب معیز اعوان سے اظہار یکجہتی
ادکارہ عروہ حسین نے انٹرنیشنل اسکول لاہور (آئی ایس ایل) میں 20 اگست کو طے شدہ ٹی ای ڈی ایکس کانفرنس کے مقررین کے پینل سے نکالنے پر خواجہ سراؤں کے حقوق کے لیے کام کرنے والے سماجی رہنما ڈاکٹر مہرب معیز اعوان کے ساتھ اظہار یکجہتی کیا ہے۔
اداکارہ نے طویل انسٹاگرام پوسٹ میں اپنے تاثرات کا اظہار کیا ہے۔
یہ بھی پڑھیے
اداکار قوی خان کو عروہ حسین اور ماہرہ خان کا خراج تحسین
عروج آفتاب کی گائیکی نے فن لینڈ میں سما باندھ دیا
ادکارہ عروہ حسین نے لکھا کہ مہرب معیز میں شدید غمزدہ اور مایوس ہوں، درحقیقت آپ کے ساتھ رواسلوک پر اظہار افسوس کیلیے مجھے الفاظ نہیں مل رہے۔
View this post on Instagram
عروہ نے مزید لکھا کہ میں شاید سوچ بھی نہیں سکتی کہ آپ ہمارے اردگرد موجود ایسے غیر انسانی اور بے حس لوگوں کے ساتھ کیسے نمٹتے ہیں جو لوگوں کو تعلیم دے رہے ہیں کہ آپ کون ہیں اور آپ کے حقوق کیا ہونے چاہئیں، حالانکہ صرف وہی لوگ ہیں جنہیں انسانیت کا بنیادی سبق پڑھانے کی ضرورت ہے۔
اداکارہ نے مزید لکھا کہ ان ناسمجھ اور سنگدل لوگوں کو اس بات کا بھی اندازہ نہیں ہے کہ آپ اس ظالم دنیا میں حقیقی معنوں میں خود کو کیسے مجتمع کرتےہیں۔
