فواد خان کی سالگرہ پر فلم فیئر کی مبارکباد
جتیش پلائی نے انسٹاگرام پر فواد خان کی تصاویر اور مشہور پاکستانی ڈرامے'زندگی گلزار ہے' کے کلپس بھی شیئر کیے۔
پاکستان کے مشہور و معروف اداکاروگلوکار فواد خان 39 سال کے ہوگئے۔ گزشتہ روز بھارت کے مشہور فلمی جریدے ‘ فلم فیئر’ کی جانب سے انہیں سالگرہ کی مبارکباد دی گئی ہے۔
سماجی رابطوں کی ویب سائٹ ٹوئٹر پر فلم فیئر کے آفیشل اکاؤنٹ سے فواد خان کو سالگرہ کی خصوصی مبارکباد پیش کی گئی۔
The definition of dapper! Here’s sending out birthday wishes to #FawadKhan. #HappyBirthdayFawadKhan pic.twitter.com/08hyyZAFsm
— Filmfare (@filmfare) November 29, 2020
فلم فیئر میگزین کے مدیر جتیش پلائی نے فوٹو شیئرنگ ایپ انسٹاگرام پر پاکستانی اسٹار کی ایک پرانی ویڈیو شیئر کی۔ جس میں وہ بھارت میں فلم فیئر کے لئے فوٹو شوٹ کراتے دکھائی دے رہے ہیں۔
View this post on Instagram
جتیش پلائی نے انسٹاگرام پر فواد خان کی تصاویراورمشہور پاکستانی ڈرامے ‘زندگی گلزار ہے’ کے کلپس بھی شیئر کیے۔
View this post on Instagram
یہ بھی پڑھیے
سجل احد نے عالمی ایوارڈ جیت لیا
فواد خان نے 2007ء میں شعیب منصور کی فلم ‘خدا کے لیے’ سے فلمی دنیا میں قدم رکھا۔ پاکستانی ڈرامے’ ہمسفر’ اور ‘زندگی گلزار ہے’ میں انہوں نے بہترین پرفارمنس دی، جس کے چرچے بھارت میں بھی ہونے لگے۔ 2014ء میں فواد نے فلم ‘خوبصورت’ سے بالی ووڈ میں انٹری دی۔ فلم میں ان کے مدمقابل اداکارہ سونم کپور تھیں۔
جس کے بعد 2016ء میں فواد خان نے بالی ووڈ فلم ‘ کپور اینڈ سنز’ میں اپنی جانداری اداکاری سے مداحوں کے دل جیت لیے۔ اسی سال انہوں نے فلم ‘ اے دل ہے مشکل’ میں بھی اداکاری کے جوہر دکھائے۔
فواد خان نے جہاں بےشمار پاکستانی ایوارڈ جیتے وہیں فلم فیئر کی جانب سے بھی انہیں بہترین معاون اداکار کے ایوارڈ سے نوازا گیا۔
