مشی خان نے وزیراعظم کی نقالی کرکے تفریح کا نیا ذریعہ فراہم کردیا

ویب ڈیسک22 ستمبر 2022

اداکارہ مشی خان نے وزیراعظم شہبازشریف کی نقالی پر مبنی مزیدار وڈیوز بناکر سوشل میڈیا صارفین کو ہنس ہنس کر لوٹ پوٹ ہونے پر مجبور کردیا۔

اداکارہ نے ہم نیوز کے مارننگ شو میں صرف ایک مرتبہ تقریر سننے کے بعد وزیراعظم کی ایسی زبردست نقل اتاری کہ میزبان حیران رہ گئے۔

یہ بھی پڑھیے

ازیکا ڈینیئل سیلاب متاثرین کی تکالیف دیکھ کر جذبات پر قابو نہ رکھ سکیں

عشنا شاہ لاہورمیں کتوں کے بے رحمانہ قتل اور پناہ گاہ کی تباہی پر پھٹ پڑیں

اداکارہ مشی خان تحریک انصاف کے پرزور حامی ہیں اور گزشتہ کچھ عرصے سے وزیراعظم شہبازشریف کی تقاریر اور بیانات کی آڈیو پر اپنے منفرد اندازمیں وڈیو بنانے کا سلسلہ شروع کررکھا ہے اور وقتاً فوقتاً مختلف وڈیوز سوشل میڈیا کی زینت بناتی رہتی ہیں۔

Ease the stress & smile. Inflation, bills etc relax & be strong #LawyersAreWithKhan pic.twitter.com/aIHNuCljIc

— Mishi khan (@mishilicious) September 21, 2022

Sometimes the most serious & sensitive things when said in a cold way leave a meaningless impact. Same as above. No offence just a lip-sync #ViralVideo pic.twitter.com/stksN6LBFq

— Mishi khan (@mishilicious) September 20, 2022

رواں ہفتے اداکارہ نے ہم نیوز کے مارننگ شو میں شرکت کی اور وزیراعظم کی سیلاب متاثرہ علاقوں کے دورے کے دوران کی گئی ایک تقریر کی زبردست نقل اتار کر میزبانوں کو خوب ہنسایا۔ اداکارہ کی یہ وڈیو سوشل میڈیا پر خوب وائرل ہورہی ہے۔

ایسی نقل کہ کوئی بھی ہنسی روک نہ پائے@mishilicious pic.twitter.com/jrrJnIgPI9

— HUM News (@humnewspakistan) September 21, 2022

مشی خان صرف موجودہ وزیراعظم کی ہی وڈیوز نہیں بناتیں بلکہ سابق وزیراعظم عمران خان کے ایک مشہور زمانہ جملے پر مبنی وڈیو بھی بناچکی ہیں جس میں مردانہ آواز میں ان سے چائے بنانے کا مطالبہ کیا جاتا ہے تو وہ کہتی ہیں کہ کیا ہم کوئی غلام ہیں کہ جو آپ کہیں گے ہم کرلیں؟