ہالی ووڈ اسٹار آرنولڈ شوارزنیگر دوسری سرجری کے بعد صحت یاب

کچھ لوگ زندگی میں گر کرسنبھلنا بخوبی جانتے ہیں اورآسٹرین نژاد امریکی شہری اور ایکشن ہیرو آرنلڈ شوارزینگرانہی میں سے ایک ہیں۔

زندہ دل آرنلڈ شوارزنیگرکا دو سال بعد دوبارہ دل کا آپریشن کیا گیا۔ کامیاب آپریشن کے بعد 73 سالہ آرنلڈ نے سماجی رابطے کی ویب سائٹ ٹوئٹر پر تصاویر شیئر کرتے ہوئے مداحوں کو اپنی صحت سے متعلق آگاہ کیا۔

ٹرمینیٹر اسٹارآرنلڈ شوازنگرنےٹوئٹ میں لکھا کہ وہ آپریشن کے بعد خود کو بہتر محسوس کر رہے ہیں۔

اداکارنےمداحوں کو بتایا کہ 2 سال قبل 2018 میں ان کی اوپن ہارٹ سرجری کے دوران پلمنری والوو تبدیل کیا گیا تھا اور اب ان کا ایروٹک والوو تبدیل کیا گیا ہے جس وجہ سے وہ خود کو بہتر محسوس کررہے ہیں۔

Thanks to the team at the Cleveland Clinic, I have a new aortic valve to go along with my new pulmonary valve from my last surgery. I feel fantastic and have already been walking the streets of Cleveland enjoying your amazing statues. Thank you to every doc and nurse on my team! pic.twitter.com/hmIbsEMHtA

— Arnold (@Schwarzenegger) October 23, 2020

ایروٹک والوو دل کے بائیں جانب ہوتا ہے اور یہ شہ رگ میں خون کی ترسیل کا کام کرتا ہے جب کہ پلمنری والوو دل کے دائیں جانب ہوتا ہے اور یہ بھی ایروٹک والوو کی طرح خون کی ترسیل اور پیداوار کا کام کرتا ہے۔

آرنلڈ نےٹوئٹ میں ڈاکٹرزاورنرسزکی ٹیم کا بھی شکریہ ادا کیا۔

امریکی ریاست کیلیفورنیا کےسابق گورنرآرنلڈ شوازنیگر پیدائشی طور پر دل کے عارضے میں مبتلا تھے