فواد خان اور ماہرہ خان کی ایک اور فلم کی عکس بندی مکمل

لالی ووڈکے سپر اسٹارز فواد خان اور ماہرہ خان کی ایک اور فلم کی عکس بندی مکمل ہوگئی۔

فواد خان نےجمعے کو بطور شریک فلمسازاپنی فلم”نیلوفر“کا کیمرا کلوزکردیا، فلم کا آخری اسپیل لاہور میں فلم بند کیا گیا ہے۔

یہ بھی پڑھیے

پاکستانی فلم”دی لیجنڈ آف مولاجٹ  “کی کرسمس  پر بھارت میں ریلیز کا امکان

اداکار فواد خان اور ماہرہ خان ڈرامہ سیریل” ہمسفر“ اور فلم ”دی لیجنڈ آف مولاجٹ “کے بعد فلم”نیلوفر“ میں مرکزی کردار ادا کررہے ہیں۔فلم میں ماہرہ خان ایک نابینا لڑکی کا کردار اداکررہی ہیں۔

#FawadKhan just closed the camera of his ambitious project #Neelofar and wrapped up its last spell in Lahore yesterday.
Film is all set to release in early 2023 starring Fawad Khan and #MahiraKhan in lead roles. #NeelofarMovie #PakistaniMovie #NeelofarTheFilm #LollywoodPictures pic.twitter.com/5x12ixMzUn

— Lollywood Pictures 🇵🇰 (@LollyPictures) December 10, 2022

فلم نیلوفر کی مرکزی شوٹنگ دسمبر 2020 میں مکمل ہوگئی تھی اور فلم کو 2021 میں ریلیز ہونا تھا تاہم کرونا وبا کے باعث اس کی ریلیز التوا کا شکار ہوگئی،بعدازاں یہ فلم رواں ماہ 23 دسمبر کو ریلیز ہونے کی اطلاعات سامنے آئی تھیں لیکن اب کہا جارہا ہے کہ فلم نیلوفر آئندہ برس کی ابتدا میں سنیما گھروں کی زینت بنے گی۔

فلم نیلوفر کے ہدایت کار عماررسول  جبکہ پروڈیوسرز میں حسان خالد،فواد خان،قاسم محمود اور اوصاف شارق شامل ہیں۔   فواد خان اور ماہرہ خان کے علاوہ مدیحہ امام،سمیہ ممتاز،فیصل قریشی،بہروز سبزواری،راشد فاروقی،عتیقہ اوڈھو، گوہر رشید اور نوید شہزاد فلم میں اداکاری کے جوہر دکھارہے ہیں۔