اداکارہ عشنا شاہ نے پیشہ ور گالفر حمزہ امین سے منگنی کرلی
اداکارہ نے اپنی ازدواجی زندگی کی ابتدا کی تصدیق کرتے ہوئے اپنے انسٹاگرام پر منگنی کی تقریب کی تصویر بھی شیئر کردی۔
پاکستان شوبز انڈسٹری کی خوبرواداکارہ عشنا شاہ نےاپنے دیرینہ دوست اور پیشہ ورگالفر حمزہ امین کے ساتھ منگنی کرلی۔
اداکارہ نے اپنی ازدواجی زندگی کی ابتدا کی تصدیق کرتے ہوئے اپنے انسٹاگرام پر منگنی کی تقریب کی تصویر بھی شیئر کردی۔
یہ بھی پڑھیے
اداکارہ عشنا شاہ کاچھپ کر وار کرنے والے ٹرولز کو چیلنج
مہوش حیات نے کن مشہور شخصیات کیساتھ تصویر کو سیلفی آف دی ایئر قرار دیا؟
اداکارہ عشناشاہ کی جانب سے جاری کردہ تصویر میں وہ اپنے منگیر کی بانہوں میں موجود ہیں۔اداکارہ نے ہاتھوں میں کنگن جبکہ ان کے منگیر حمزہ امین نے گلے میں ہار پہن رکھا ہے۔
View this post on Instagram
اداکارہ نے تصویر کے کیپشن میں لکھاکہ”میرے پزل کے گمشدہ ٹکڑے سے ملیے،منڈا سہنڑا وی ایہہ تے چنگا وی (لڑکا پیار ا بھی ہے اور اچھا بھی)، بسم اللہ کریے۔ادکارہ انگوٹھی کے ایموجی کے ساتھ ہیش ٹیگ ہم عش بھی استعمال کیا۔
View this post on Instagram
حمزہ امین نے اپنے انسٹاگرام پر اسی تصویر کوشیئر کرتے ہوئے کیپشن میں لکھاکہ”میری خوبصورت منگیتر عشنا شاہ سے ملاقات کیجیے،میرا دل آپ کا سائبان اور میری بانہیں آپ کا گھر ہوں گی“۔
اداکارہ کو زندگی کے سفر کی نئی شروعا ت پرعلی رحمان خان، ثنا جاوید، زارا نور عباس،صبور علی ، عثمان مختار،رمشا خان،میکال ذوالفقار،کبریٰ خان، کنزیٰ ہاشمی،صنم جنگ، عمران عباس،احمد علی بٹ اورشوبز انڈسٹری سے تعلق رکھنے والے دیگر فنکاروں مبارکباد پیش کی ہے۔
واضح رہے کہ ادکارہ عشنا شاہ کے منگیتر حمزہ امین پیشہ ور گالفر ہیں۔ادکارہ عشنا شاہ اور حمزہ امین اکثر تقاریب میں ساتھ ساتھ نظرآتے تھے، حمزہ کے انسٹاگرام پر پوسٹ کردہ کئی تصاویر میں عشنا کو ان کے ساتھ دیکھا جاسکتا ہے۔
