علی ظفر نمل نالج سٹی کے سفیر نامزد

وزیراعظم عمران خان نے علی ظفر کو نمل نالج سٹی کا سفیر نامزد کردیا ہے

پاکستان کے مشہور گلوکار اور اداکار علی ظفر کو "نمل نالج سٹی” کا سفیر نامزد کردیا گیا ہے۔

سماجی رابطوں کی ویب سائٹ ٹوئٹر پر عالمی شہرت یافتہ پاکستانی گلوکار اور اداکار علی ظفر نے تصاویر شئیر کرتے ہوئے لکھا کہ علم ملک اور اس کے لوگوں کی ترقی کیلئے کلیدی حیثیت رکھتا ہے۔ اُنہوں نے لکھا کہ ملک کے پہلے اور سب سے بڑے "نمل نالج سٹی” کا سفیر نامزد ہونا اُن کے اعزاز کی بات ہے۔ نمل نالج سٹی کو ٹونی اشائی نے ڈیزائن کیا ہے اور اُسے وزیرِ اعظم عمران خان نے تعمیر کرایا ہے۔

دوسری جانب وزیراعظم عمران خان نے اپنی ٹوئٹ میں ویڈیو شیئر کرتے ہوئے کہا ہے کہ پاکستان میں پہلے نالج سٹی کا قیام میرا خواب ہے۔

متعلقہ تحاریر