یونائیٹڈ کے اعظم خان نے اپنے والد کی ٹیم گلیڈی ایٹرز کا بھرکس نکال دیا
اعظم خان نے 6چھکوں اور 2 چوکوں کی مدد سے 35گیندوں پر65رنز کی دھواں دھار اننگز کھیلی،والدہ اور بہن خوشی سے نہال
![azam khan , quetta gladiators, psl 7 anthem , islamabad united, اعظم خان](https://news360.tv/wp-content/uploads/2022/02/Azam-Khan-Collin-Munro-1.jpg)
پاکستان سپر لیگ میں پہلی مرتبہ اسلام آباد یونائیٹڈ کی نمائندگی کرنےو الے دائیں بازو کے بلے باز اعظم خان نے اپنے والد کی ٹیم کوئٹہ گلیڈی ایٹرز کا بھرکس نکال دیا۔اعظم خان نے دھواں دھار اننگز کھیل کر ناقدین کو غلط ثابت کردیا۔
پاکستان سپر لیگ (پی ایس ایل) 7 کے 10ویں میچ میں اسلام آباد یونائیٹڈ نے بلے بازوں کی عمدہ کاکردگی کی بدولت کوئٹہ گلیڈی ایٹرز کو 43رنز سے شکست دیکر پوائنٹس ٹیبل پر دوسری پوزیشن حاصل کرلی۔
یہ بھی پڑھیے
گلیڈی ایٹرز کو دھچکہ،حسنین کا بولنگ ایکشن غیرقانونی قرار
مائیکل وان نے پی ایس ایل کو دنیا کی دوسری بہترین لیگ قرار دیدیا
اسلام آباد یونائیٹڈ کی جیت میں کوئٹہ گلیڈی ایٹرز کے ہیڈ کوچ معین خان کے صاحبزادے اعظم خان نے اہم کردار ادا کیا ۔
Here he goes again! ☄️ #HBLPSL7 l #LevelHai l #QGvIU pic.twitter.com/oEScG5pyk1
— PakistanSuperLeague (@thePSLt20) February 3, 2022
اعظم خان نے 35گیندوں پر 65 رنز بنائے جبکہ کولنگ منرو 39گیندوں پر 72رنز بناکر نمایاں رہے ۔واضح رہے کہ اعظم خان گزشتہ سیزن میں کوئٹہ گلیڈی ایٹرز کی نمائندگی کررہے تھے۔
نیشنل اسٹیڈیم کراچی میں کھیلے گئے ہائی اسکورنگ میچ میں چھکوں اور چوکوں کی برسات کی بدولت مجموعی طور پر419رنز بنے ۔اسلام آباد یونائیٹڈ کے بلے بازوں نے 17چوکے اور 15چھکے لگائے جبکہ کوئٹہ گلیڈی ایٹر زکے بلے بازوں نے 15چوکےا ور 9چھکے لگائے۔اعظم خان کی اننگز6 چھکوں اور 2چوکوں پر مشتمل تھی۔
107m SIX 😲
Azam Khan probably sent this one out to Sea View! #HBLPSL7 l #LevelHai l #QGvIU pic.twitter.com/JVQ3iRNsWE
— PakistanSuperLeague (@thePSLt20) February 3, 2022
اعظم کی کامیابی پر ان کی والدہ اور بہن بھی خوشی سے نہال نظر آئیں۔
Proud mother and sister of Azam Khan praised his fire-power knock against his former PSL franchise Quetta Gladiators#ARYSports #PSL7 #LevelHai #IUvQG #AzamKhan pic.twitter.com/5aDIZvTY0F
— ARY Sports (@ARYSports_Web) February 3, 2022
ان کی والدہ نے کہا کہ میں نے نماز پڑھ کر اعظم کی اچھی کارکردگی اور اپنے میاں معین خان کی ٹیم کی کامیابی کیلیے دعا کی تھی ۔انہوں نے کہا کہ وہ ہمیشہ سے کوئٹہ گلیڈی ایٹرز کی سپورٹر رہی ہیں کیونکہ اعظم نے سب سے پہلی کوئٹہ کی ٹیم سے ہی کھیلا تھا۔اعظم کی بہن نے کہا کہ بھائی کا شاہد آفریدی کی گیندوں پر چھکے لگانا اچھا لگا۔