پنجاب اسمبلی میں تحریک انصاف کے25منحرف ارکان ڈی سیٹ قرار

الیکشن کمیشن نے پنجاب اسمبلی میں حمزہ شہباز کو وزیراعلیٰ کا ووٹ دینے والے تحریک انصاف کے 25 منحرف ارکان کو ڈی سیٹ کر دیا۔

چیف الیکشن کمشنر سکندر سلطان راجہ نے تحریک انصاف کے منحرف ارکان کے خلاف ریفرنس کا محفوظ فیصلہ سناتے ہوئے بتایا کہ اتفاق رائے سے منحرف ارکان کو ڈی سیٹ قرار دیا گیا ہے۔ حمزہ شہباز کو ووٹ دیکر ارکان نے انحراف کیا۔

یہ بھی پڑھیے

لاہور ہائیکورٹ، ایڈووکیٹ جنرل کو کام سے روکنے پر چیف سیکرٹری سے جواب طلب

روزنامہ ڈان نے نگراں حکومت سے متعلق حامد میر کا دعویٰ غلط ثابت کردیا

الیکشن کمیشن کے فیصلے کے بعد میڈیا سے گفتگو کرتے ہوئے اسد عمر کا کہنا تھا قوم کو مبارکباد دینا چاہتا ہوں کہ آج اس گھناؤنی سیاست کا ایک اور باب بند ہوگیا ہے، یہ لوگ پیسہ لگا کر حکومت میں آتے ہیں اور مزید پیسہ کماتے ہیں۔

آج پنجاب کی امپورٹڈ حکومت اب عملی طور پر ختم ہو چکی ہے نام نہاد وزیرُاعلیٰ حمزہ شہباز کوئ شرم کریں اور آج الیکشن کمیشن کے فیصلے کے بعد فوری استعفیٰ دیں، کوئ ایک ایسی روائیت چھوڑیں جس پر انھیں کوئ تو مثبت کمنٹ دیا جا سکے، #استعفی_دو

— Ch Fawad Hussain (@fawadchaudhry) May 20, 2022

سابق وفاقی وزیر فواد چوہدری نے کہا ہے کہ آج پنجاب کی امپورٹڈ حکومت اب عملی طور پر ختم ہو چکی ہے، نام نہاد وزیرُاعلیٰ حمزہ شہباز کوئی شرم کریں اور آج الیکشن کمیشن کے فیصلے کے بعد فوری استعفیٰ دیں، کوئی ایک ایسی روایت چھوڑیں جس پر انھیں کوئی تو مثبت کمنٹ دیا جا سکے۔

دیر آید درست آید۔ بالاخر الیکشن کمیشن نے لوٹوں کو کیفرِ کردار تک پہنچا دیا۔ پی ٹی آئی منحرف اراکین ڈی سیٹ۔
جعلی وزیراعلیٰ صاحب, شیروانی واپس لٹکانے کا وقت ہوا چاہتا ہے۔#امپورٹڈ_حکومت_نامنظ

— Shah Mahmood Qureshi (@SMQureshiPTI) May 20, 2022

سابق وزیرخارجہ شاہ محمود قریشی نے اپنے ٹوئٹ میں لکھا کہ  کہا کہ  دیر آید درست آید۔ بالاخر الیکشن کمیشن نے لوٹوں کو کیفرِ کردار تک پہنچا دیا۔ پی ٹی آئی منحرف اراکین ڈی سیٹ۔ جعلی وزیراعلیٰ صاحب!شیروانی واپس لٹکانے کا وقت ہوا چاہتا ہے۔

پنجابی لوٹے نااہل ہو گئے۔ جن کا ضمیر مردہ ہوا تھا آج سیاسی طور پر مردہ ہو گئے۔ خان کو بتایا تو خان نے کہا اللہ الحق ہے

— Dr. Shahbaz GiLL (@SHABAZGIL) May 20, 2022

ڈاکٹر شہبازگل نے لکھا کہ  پنجابی لوٹے نااہل ہو گئے۔ جن کا ضمیر مردہ ہوا تھا آج سیاسی طور پر مردہ ہو گئے۔ خان کو بتایا تو خان نے کہا اللہ الحق ہے۔

چھوٹے لوٹوں کو اب پریشانی لگ جانی ہے کہ پیسے واپس نہ کرنے پڑ جائیں۔
اور بڑیے لوٹوں نے بھی عمران خان کے نام پر ووٹ لئے تھے اور واسکٹ پہن کے خود کو بڑے لیڈر سمجھ بیٹھے تھے۔

— Hammad Azhar (@Hammad_Azhar) May 20, 2022

سابق وفاقی وزیر حماد اظہر نے لکھا کہ چھوٹے لوٹوں کو اب پریشانی لگ جانی ہے کہ پیسے واپس نہ کرنے پڑ جائیں۔ اور بڑیے لوٹوں نے بھی عمران خان کے نام پر ووٹ لئے تھے اور واسکٹ پہن کے خود کو بڑے لیڈر سمجھ بیٹھے تھے۔