حکومت کو کرونا ویکسینیشن میں معذور افراد کو ترجیح دینے کا مشورہ
ثناء خورشید کا کہنا ہے کہ ’معذور افراد کا مدافعتی نظام کمزور ہوتا ہے اس لیے ان کے لیے خطرہ زیادہ ہوتا ہے۔‘
پاکستان کی ایک معذور وکیل ثناء خورشید نے حکومت سے درخواست کی ہے کہ کرونا وائرس سے بچاؤ کی ویکسین لگانے کے عمل میں معذور افراد کو بھی ترجیح دی جائے۔
سماجی رابطوں کی ویب سائٹ ٹوئٹر پر 3 روز قبل وزیراعظم عمران خان کے معاون خصوصی ڈاکٹر فیصل سلطان نے ایک پیغام میں بتایا تھا کہ ’کرونا وائرس سے بچاؤ کی ویکسین لگانے کا اگلا مرحلہ بزرگ شہریوں کے لیے 10 مارچ سے شروع ہوگا۔‘
Pak Covid-19 vaccination, next phase – starting 10 March, inshallah. Beginning with the senior most citizens, who will receive SMS with instructions on their cell phones
— Faisal Sultan (@fslsltn) March 9, 2021
ڈاکٹر فیصل سلطان کی ٹوئٹ کو کوٹ ٹوئٹ کرتے ہوئے ثناء خورشید نے لکھا کہ ’معذور افراد خاص طور پر ان لوگوں کو بھی ترجیح دی جانی چاہیے جنہیں سانس کا مسئلہ ہے یا جن کا مدافعتی نظام کمزور ہے۔‘
People with disabilities esp. those who have a compromised respiratory function or a suppressed immune system must be prioritized too @fslsltn https://t.co/uGTkLhuyvA
— Sana Khurshid (@sana_khurshid1) March 9, 2021
اپنی ایک انسٹاگرام پوسٹ میں ثناء خورشید نے بتایا کہ ’معذور افراد کا مدافعتی نظام کمزور ہوتا ہے اس لیے ان کے لیے خطرہ زیادہ ہوتا ہے۔‘
View this post on Instagram
انہوں نے بتایا کہ ایک معذور شخص کی حیثیت سے گذشتہ سال ان کی زندگی کے لیے بہت مشکل تھا۔ جبکہ کرونا کے کیسز کی تعداد میں روزانہ کی بنیاد پر تیزی سے اضافہ ہورہا تھا۔
یہ بھی پڑھیے
گلگت بلتستان کرونا وائرس سے پاک ہوگیا
ادھر پی ٹی وی کے شو ’دی سوسائٹی‘ میں دیے گئے ایک انٹرویو میں ثناء خورشید نے اس بات کی وضاحت کی ہے کہ معذور افراد کو 65 سال سے زیادہ عمر کے افراد سے زیادہ اہمیت کیوں دی جانی چاہیے۔
I sound like a broken record but people with disabilities need to be prioritised for the Covid vaccine! @fslsltn #DisabilityInclusive #VaccinationDrive pic.twitter.com/QLgW1e3BoT
— Sana Khurshid (@sana_khurshid1) March 9, 2021
پاکستانی صحافی اعجاز حیدر نے ثناء خورشید کی پوسٹ کو ٹوئٹر پر شیئر کیا ہے۔
it’s important for government’s vaccination strategy to prioritise differently-abled person. here’s @sana_khurshid1‘s msg: pic.twitter.com/Hdq0Oi5RU6
— EH (@ejazhaider) March 10, 2021
انہوں نے حکومت پر زور دیا کہ وہ معذور افراد کے لیے ایک علیحدہ ویکسینیشن کی حکمت عملی تیار کرے۔ پاکستان کی حکومت نے اب تک بظاہر کووڈ 19 کی ویکسین کے تناظر میں جامع حکمت عملی تیار نہیں کی ہے۔ اُس حکمت عملی میں ترجیحات کا تعین کیا جائے اور صرف معذور افراد ہی نہیں بلکہ اساتذہ، پولیس اہلکار، بینک میں عوام سے براہ راست رابطے میں آنے والا عملہ، عوامی بسوں کا عملے وغیرہ کے بارے میں ترجیحات طے کی جائیں۔ یہ وہ لوگ ہیں جو روز آنہ کی بنیاد پر کئی افراد سے رابطے میں آتے ہیں۔
