ایک فیصد پاکستانی کرونا سے بچاؤ کی ویکسین کے حامل
اسد عمر کا کہنا ہے کہ ’پاکستان میں پہلی مرتبہ یومیہ ایک لاکھ سے زیادہ افراد کی ویکسینیشن کی گئی ہے‘
پاکستان میں کرونا کی وباء سے متاثرہ مریضوں کو ویکسین لگنے کا عمل جاری ہے۔ پاکستان نے پہلی مرتبہ یومیہ ایک لاکھ افراد کی ویکسینیشن کی گئی ہے لیکن اس کے باوجود اب تک ملک میں صرف ایک فیصد لوگوں کو ویکسین لگائی گئی ہے۔
نیشنل کمانڈ اینڈ آپریشن سینٹر (این سی او سی) نے پیر کے روز 40 سے 50 سال کی عمر کے تقریباً ایک کروڑ 20 لاکھ شہریوں کی رجسٹریشن کھولنے اور 50 سال سے زیادہ عمر کے افراد کو واک ان ویکسینیشن سہولت کی اجازت دینے کا فیصلہ کیا تھا۔ اسد عمر کا کہنا تھا کہ ’40 سال یا اس سے زیادہ عمر کے افراد منگل سے ویکسینیشن کے لیے اپنا اندراج کرا سکتے ہیں۔‘
یہ بھی پڑھیے
جنوبی ایشیا دنیا میں کرونا کے پھیلاؤ کا سبب، امریکی رپورٹ
تاہم بدھ کے روز سماجی رابطوں کی ویب سائٹ ٹوئٹر پر جاری پیغام میں وفاقی وزیر برائے منصوبہ بندی اسد عمر نے بتایا کہ ’پاکستان میں پہلی مرتبہ یومیہ ایک لاکھ سے زیادہ افراد کی ویکسینیشن کی گئی ہے جبکہ مجموعی طور پر 21 لاکھ افراد کو ویکسین دی جا چکی ہے۔‘
Daily vaccinations crossed 1 lakh in a day for the first time yesterday. Total vaccinations yesterday were 117,852. Total vaccinations so far now 2.1 million. Good to see more people registering. Please encourage all those 40 and above to register, if they have not done so far.
— Asad Umar (@Asad_Umar) April 28, 2021
انہوں نے بتایا کہ ’گذشتہ روز ایک لاکھ 17 ہزار 852 ویکسین کی خوراکیں دی گئی ہیں جس کے بعد مجموعی طور پر 21 لاکھ افراد کو ویکسین دی جاچکی ہے۔ زیادہ سے زیادہ افراد کو رجسٹریشن کراتے ہوئے دیکھنا خوش آئند ہے اور اگر 40 سال سے زیادہ عمر کے لوگوں نے رجسٹریشن نہیں کرائی تو ان کی رجسٹریشن کے لیے حوصلہ افزائی کریں۔‘
اس سے قبل اسد عمر نے کہا تھا کہ حکومتی مراکز پر 13 لاکھ پاکستانیوں کو ویکسین لگائی جاچکی ہے۔
ادھر وزیراعظم عمران خان کے معاون خصوصی برائے صحت ڈاکٹر فیصل سلطان نے پاکستان کو موصول ہونے والی کرونا سے بچاؤ کی ویکسین کی کھیپ کی تفصیلات فراہم کرتے ہوئے بتایا ہے کہ جون تک آنے والی ویکسین میں سے 78 فیصد حکومت نے خریدی تھیں۔
Snapshot – vaccine arrivals (doses)
Jan 500,000
Feb 700,000
Mar 1,060,000
Apr 3,000,000
May 6,700,000 [expctd] Jun 6,300,000 [expctd]Of ~18.7 mln doses [rec’d & expected] until Jun, ~78% are via purchase by govt
2 mln doses administered so far; >117,000 doses in 1day (27 Apr)
— Faisal Sultan (@fslsltn) April 28, 2021
انہوں نے بتایا کہ ’27 اپریل کو ایک دن میں 1 لاکھ 17 ہزار سے زیادہ ویکسین کی خوراکیں دی گئی ہیں۔‘
جمعے کے روز ایک اور ٹوئٹ میں اسد عمر نے بتایا ہے اس وقت پچھلے سال جون کی نسبت آکسیجن پر انحصار کرنے والے مریضوں کی تعداد 57 فیصد زیادہ ہے۔ ہم نے آکسیجن کی پیداوار سے لے کر بستروں تک ہر چیز کا کامیابی سے بروقت انتظام کیا ہے۔
Total number of critical care covid patients on oxygen reached 5360 yesterday. This is 57% more than the peak last june. Alhamdulillah have so far managed to cope with this huge increase because of proactively building capacity of the entire system from oxygen production to beds
— Asad Umar (@Asad_Umar) April 30, 2021
دوسری جانب سینیئر صحافی فرخ سلیم نے اپنی ایک ٹوئٹ میں کرونا سے بچاؤ کی ویکسین لگنے کے اعداد و شمار جاری کیے ہیں۔ ان اعدادوشمار کے مطابق پاکستان میں اب تک صرف 1 فیصد لوگوں کو ویکسین لگائی گئی ہے۔
COVID-19 Vaccinations Procured pic.twitter.com/dTCzIAJRkL
— farrukh saleem (@SaleemFarrukh) April 29, 2021
حکومت کرونا کے مریضوں کے لیے آکسیجن کا انتظام کرنے میں کامیاب رہی ہے جس کے لیے تعریف کی مستحق ہے لیکن مریضوں کو آکسیجن سے پہلے ویکسین کی ضرورت پیش آتی ہے۔ اگر مریضوں کو بروقت ویکسین کی فراہمی ممکن ہوجائے تو شاید آکسیجن کی ضرورت نہ پیش آئے اس لیے حکومت کو ویکسین پر زیادہ توجہ دینی چاہیے۔