کرونا کی وباء سے پاکستان کو اب بھی خطرہ؟

پاکستان میں کرونا کی وباء سے بچاؤ کے لیے ویکسین لگانے کا عمل جاری ہے لیکن اس کے باوجود ماہرین کا خیال ہے کہ ملک کو اس وباء کے تناظر میں پھر بھی خطرہ لاحق ہے۔

امریکا میں مقیم پاکستانی نژاد امریکی ڈاکٹر فہیم یونس نے ٹوئٹر پر پاکستان میں کرونا کی وباء سے متعلق تفصیلات شیئر کی ہیں اور بتایا ہے کہ ملک کو خطرہ کیوں لاحق ہے۔ ان کے مطابق پاکستان میں اب تک صرف ایک فیصد لوگوں کو کرونا سے بچاؤ کی ویکسین لگائی گئی ہے۔ جبکہ 50 فیصد لوگ ویکسین لگوانے سے ہچکچاتے ہیں۔

یہ بھی پڑھیے

ایک فیصد پاکستانی کرونا سے بچاؤ کی ویکسین کے حامل

ڈاکٹر فہیم یونس کے مطابق پاکستان میں 20 کروڑ افراد کرونا کی وباء کا شکار ہوسکتے ہیں۔ انہوں نے ٹوئٹر پر ان تفصیلات کے ساتھ لکھا کہ یہ ان کی پیشگوئی نہیں بلکہ خدشات ہیں۔

Why Pakistan is at Risk

Vaccinations <1%
Vaccine hesitancy ~50%

Genome sequencing <0.1%
B.1.1.7 variant in PK since Jan

Susceptible population ~200 M

In epidemiological terms, the nation’s a sitting duck in a data fog

It’s NOT a prediction; It’s a concern pic.twitter.com/Xfo8bQvMVI

— Faheem Younus, MD (@FaheemYounus) May 3, 2021

اس سے قبل 29 اپریل کو سینیئر صحافی فرخ سلیم نے اپنی ایک ٹوئٹ میں کرونا سے بچاؤ کی ویکسین لگنے کے اعداد و شمار جاری کیے تھے۔ ان اعدادوشمار کے مطابق بھی پاکستان میں اب تک صرف 1 فیصد لوگوں کو ہی ویکسین لگائی گئی ہے۔

COVID-19 Vaccinations Procured pic.twitter.com/dTCzIAJRkL

— farrukh saleem (@SaleemFarrukh) April 29, 2021

جبکہ اس سے ایک روز قبل یعنی 28 اپریل کو وفاقی وزیر برائے منصوبہ بندی اسد عمر نے حکومتی کارکردگی کی تعریف کرتے ہوئے بتایا تھا کہ پاکستان میں پہلی مرتبہ یومیہ ایک لاکھ سے زیادہ ویکسین لگائی گئی ہیں۔ جبکہ مجموعی طور پر 21 لاکھ افراد کو ویکسین دی جاچکی ہے۔

Daily vaccinations crossed 1 lakh in a day for the first time yesterday. Total vaccinations yesterday were 117,852. Total vaccinations so far now 2.1 million. Good to see more people registering. Please encourage all those 40 and above to register, if they have not done so far.

— Asad Umar (@Asad_Umar) April 28, 2021

گذشتہ 24 گھنٹوں کے دوران پاکستان میں کرونا کی وباء کے باعث مزید 161 اموات اور 3 ہزار 377 کیسز رپورٹ ہوئے ہیں۔ پاکستان میں کرونا سے اموات کی مجموعی تعداد 18 ہزار 310 ہوگئی ہے جبکہ وباء سے متاثرہ افراد کی مجموعی تعداد 8 لاکھ 37 ہزار 523 تک پہنچ گئی ہے۔

گذشتہ 24 گھنٹوں کے دوران پاکستان میں 37 ہزار 587 کرونا کے ٹیسٹ کیے گئے ہیں جبکہ مثبت کیسز کی شرح 8.89 رہی ہے۔ پاکستان میں کرونا کے ٹیسٹ کی تعداد پہلے اس سے زیادہ تھی جو یومیہ 60 ہزار تک جاچکی ہے۔