شالیمار باغ میں باحجاب خواتین کی یوگا کلاس

یوگا کے عالمی دن پر لاہور کے شالیمار باغ میں باحجاب خواتین نے یوگا کلاس لی۔ امارات کے مشہور انگریزی اخبار خلیج ٹائمز میں اس نئے ٹرینڈ سے متعلق خبر بھی شائع کی گئی۔

یوگا ایک ایسی ورزش ہے جو نہ صرف جسم کے دفاعی نظام کو بہتر بناتی ہے بلکہ یہ ذہنی صحت پر بھی بہترین اثرات مرتب کرتی ہے۔ باقاعدگی سے یوگا کرنا انسان کو طویل عمر تک جوان، متحرک اور صحت مند رکھتا ہے۔ یوگا پاکستان کے تقریباً تمام شہروں میں بےحد مقبول ہے۔ نوجوانوں اور عمر رسیدہ افراد کی بڑی تعداد روزانہ کی بنیاد پر یوگا کلبز کا رخ کرتی ہے۔

یوگا کے عالمی دن کے موقع پر لاہور کے تاریخی شالیمار باغ میں خواتین کی بڑی تعداد یوگا کلاس لینے کے لیے جمع ہوئی۔ ان خواتین میں زیادہ تر باحجاب تھیں۔ امارات کے مشہور انگریزی اخبار خلیج ٹائمز میں یوگا سے متعلق اس نئے ٹرینڈ پر خبر بھی شائع ہوئی۔

#InternationalDayOfYoga: Women take part in a yoga session at an outer area of the historical Shalimar Garden in #Lahore.#Yoga is immensely popular in all cities of #Pakistan where hundreds of yoga clubs cater to enthusiasts including both young and aged.

📸: AP pic.twitter.com/Hiy4UF6s7A

— Khaleej Times (@khaleejtimes) June 21, 2021

یہ بھی پڑھیے

میشا شفیع کے لیے یوگا ٹیچنگ کورس آسان عدالت آنا مشکل

ماضی میں یوگا جاگیرداروں اور سیاستدانوں سمیت رئیس افراد کا شوق ہوا کرتا تھا لیکن وقت کے ساتھ ساتھ اس کی اہمیت بڑھتی گئی۔ اب پاکستان کے کونے کونے میں یوگا کلبز موجود ہیں جو مفت یوگا کلاسز چلا رہے ہیں۔ ان کلبز میں متوسط طبقے سے تعلق رکھنے والی خواتین کے علاوہ حجاب لینے والی خواتین بھی اکثر دکھائی دیتی ہیں۔

واضح رہے کہ لاہور میں 4 سال قبل پاکستان یوگا کونسل نے ’یوگا سب کے لیے‘ مہم کا آغاز کیا تھا جو کہ آج بھی زور و شور سے جاری ہے۔ منتظمین کی جانب سے روزانہ بعد نماز فجر لاہور کے مختلف پارکس میں یوگا کلاسز دی جاتی ہیں جن میں خواتین کی بڑی تعداد شرکت کرتی ہے۔