شہزاد رائے کا مداحوں کو خطرناک چیلنج

43 سالہ گلوکار نے ایک مرتبہ پھر ثابت کردیا کہ وہ واقعی سپرفٹ ہیں۔

ویب ڈیسک8 فروری 2021

شہزاد رائے گانا کشمیر — The Express Tribune

پاکستان کے معروف گلوکار شہزاد رائے نے سوشل میڈیا پر مداحوں کو خطرناک چینلج دے دیا ہے۔ سماجی رابطوں کی ویب سائٹ ٹوئٹر پر شہزاد رائے نے اپنے ایک اسٹنٹ کی ویڈیو شیئر کرتے ہوئے لکھا کہ اگر کوئی اس چیلنج کو پورا کرسکتا ہے تو انہیں ویڈیو بھیجے۔

شہزاد رائے پاکستان کی میوزک انڈسٹری کا ایک ایسا نام ہیں جن کے بارے میں اکثر یہ کہا جاتا ہے کہ وقت ان کا کچھ نہ بگاڑ سکا۔ 43 سالہ گلوکار نے ایک مرتبہ پھر ثابت کردیا کہ وہ واقعی سپرفٹ ہیں۔

شہزاد رائے نے فوٹو شیئرنگ ایپ انسٹاگرام اور ٹوئٹر پر اپنی ایک مختصر ویڈیو شیئر کی ہے جس میں وہ ایک اسٹنٹ کرتے دکھائی دے رہے ہیں۔

شہزاد رائے نے مداحوں کو چیلنج کرتے ہوئے ویڈیو کے ساتھ لکھا کہ ‘جو کوئی ایسا کرسکتا ہے وہ انہیں ویڈیو بناکر بھیجے۔’ معروف گلوکار نے صارفین کو احتیاط کے ساتھ اسٹنٹ کرنے کی ہدایت بھی کی۔