گمنام قوالوں نے ‘بھر دو جھولی’ سے سماں باندھ دیا

پاکستان کے معروف وکیل احمد پنسوٹا نے گمنام فنکاروں کی ویڈیو سوشل میڈیا پر شیئر کردی۔ قوالوں کے گروہ نے ‘بھر دو جھولی’ سے ایسا سماں باندھا کہ صارفین داد دینے پر مجبور ہوگئے۔

ہمارے ملک میں ٹیلنٹ کی کمی نہیں ہے ۔ بعض اوقات سڑکوں پر ایسے فنکار مل جاتے ہیں جنہیں دیکھ کر لگتا ہے کہ وہ پذیرائی کے مستحق ہیں۔ اس سلسلے میں لوگ اگر ان کے لیے کچھ نہیں بھی کرسکتے تو سوشل میڈیا پر ویڈیوز شیئر کرکے آگے بڑھا دیتے ہیں۔ اگر قسمت ساتھ دے جائے تو ان گمنام فنکاروں کی ویڈیوز وائرل ہوجاتی ہیں اور وہاں سے شہرت کے سفر کا آغاز ہوتا ہے۔

پاکستان کے معروف وکیل احمد پنسوٹا نے بھی کچھ ایسا ہی کرنے کی کوشش کی ہے۔ انہوں نے سماجی رابطوں کی ویب سائٹ ٹوئٹر پر قوالوں کے ایک گروہ کی ویڈیو شیئر کی جو اپنی سریلی آواز میں پُرنم الہٰ آبادی کے کلام ‘بھر دو جھولی’ کو پیش کررہے ہیں۔ احمد پنسوٹا نے بتایا کہ یہ قوال انہیں اپنے دفتر کے باہر فن کا مظاہرہ کرتے دکھائی دیئے۔

These guys were singing my favourite qawali “Bhar do Jholi meri” by Sabri Brothers outside my office. I would request my media fiends to give them a break on tv in Ramzan Transmission. Melodious voice. #RamzanMonthOfHappiness @arsched @Shiffa_ZY @BasitRS pic.twitter.com/wUQzBYCKAn

— Pansota (@Pansota1) April 22, 2021

یہ بھی پڑھیے

حدیقہ کیانی کی قوالی ریلیز ہوتے ہی مقبول

احمد پنسوٹا نے ویڈیو کے ساتھ پیغام میں صحافی شفا یوسفزئی اور ارشد شریف کو مخاطب کرکے میڈیا سے تعلق رکھنے والے دیگر دوستوں سے درخواست کی کہ وہ ان قوالوں کو رمضان المبارک کی خصوصی نشریات میں مدعو کریں تاکہ ملک بھر میں ان کے فن کی پذیرائی ہو۔

ٹوئٹر پوسٹ پر صارفین ان فنکاروں کو داد دے رہے ہیں۔ ایک صارف نے لکھا کہ انہیں دیکھ کر بچپن کی یاد تازہ ہوگئی جب رمضان المبارک میں اکثر قوال گلیوں میں آیا کرتے تھے۔

Can we get full vdo. Great memories of my childhood in pakistan. Jab ramzan main aisa sun ney ko milta tha gali main

— || محمد عبداللہ خان درانی|| (@abpathan) April 23, 2021

واضح رہے کہ اس سے پہلے کلام ‘بھر دو جھولی’ مشہور قوال غلام فرید صابری نے اپنے مخصوص انداز میں پیش کرکے خوب شہرت حاصل کی تھی۔