غزہ میں تین لاکھ 38 ہزار سے زائد افراد بے گھر ہوگئے: اقوام متحدہ

اقوام متحدہ نے کہا ہے کہ غزہ میں اسرائیل کے فضائی حملوں کی وجہ سے 338,000 سے زیادہ افراد بے گھر ہو چکے ہیں۔

غزہ میں انتہائی ضروری امداد اور ادویات کی فراہمی کے لیے محفوظ راستے کی اجازت دینے کے مطالبات میں اضافہ ہو رہا ہے۔

فلسطینیوں کو جنگ زدہ علاقے سے نکلنے کی اجازت دینے کے لیے ایک انسانی راہداری کا بھی مطالبہ کیا جا رہا ہے، جہاں فضائی حملوں میں بہت سے گھروں پر گولہ باری کی گئی ہے اور انھیں تباہ کر دیا گیا ہے۔

غزہ میں حکام کے مطابق غزہ سے مصر جانے والا اہم راستہ رفح کراسنگ منگل سے اسرائیلی بمباری کے بعد بند ہے۔

اسرائیلی فوجی پہلے ہی زمینی حملے کی تیاری کے لیے غزہ کی سرحد کے قریب جمع ہیں۔