اسرائیلی جارحیت سے 9 ہزار 770 شہری شہید، 4 ہزار 800 بچے شامل، فلسطینی وزارت صحت

غزہ میں اسرائیلی فوج کے حملے 30 ویں روز بھی جاری رہے۔ فلسطینی وزارت صحت کے مطابق اسرائیلی بمباری سے فلسطینی شہدا کی تعداد 9 ہزار 770 ہوگئی۔

فلسطینی وزارت صحت نے کہا کہ غزہ کے شہداء میں 4 ہزار 800 بچے شامل ہیں۔

فلسطینی وزارت صحت کے مطابق اسرائیلی بمباری سے غزہ میں 26 ہزار فلسطینی زخمی ہیں۔

دوسری جانب مقبوضہ مغربی کنارے میں بھی اسرائیلی فوج کی چھاپہ مار کارروائیاں 7 اکتوبر سے جاری ہیں۔

فلسطینی وزارت صحت کے مطابق مغربی کنارے میں شہید فلسطینیوں کی تعداد 152 ہوگئی ہے۔

فلسطینی وزارت صحت نے بتایا کہ مغربی کنارے میں زخمی فلسطینیوں کی تعداد 2100 ہوگئی ہے۔