آئی ایم ایف سے مذاکرات کامیاب، پی آئی اے نجکاری پلان منظور

آئی ایم ایف حکام کے ساتھ مذاکرات کامیاب ہوگئے جب کہ پی آئی اے کی نجکاری کرنے کے پلان کی منظوری دیدی ہے۔

پاکستان انٹرنیشنل ایئر لائنز (پی آئی اے) کی نجکاری سے متعلق وزارت نجکاری اور وزارت خزانہ کے حکام کے بین الاقوامی مالیاتی فنڈ (آئی ایم ایف) حکام کے ساتھ مذاکرات کامیاب ہوگئے ہیں جب کہ آئی ایم ایف نے ایک سال کے اندر پی آئی اے کی نجکاری کرنے کے پلان کی منظوری دیدی ہے۔

یہ بھی پڑھیں: پی آئی اے نجکاری میں اہم پیشرفت، کابینہ نے تنظیم نو کی منظوری دے دی

ذرائع کا کہنا ہے کہ آئی ایم ایف سے مذاکرات میں پی آئی اے کی نجکاری کیلیے قرض ری شیڈولنگ پلان کی اصولی منظوری لے لی گئی ہے۔ ذرائع کا کہنا ہے کہ پی آئی اے کے قرض ری شیڈول پلان کیلئے حتمی منظوری وفاقی کابینہ سے لی جائیگی۔

نجکاری کمیشن اور وزارت خزانہ پلان کے مطابق آئی ایم ایف نے پی آئی اے کی نجکاری کاپلان منظورکرلیا ہے۔