ترکی اور یونان میں زلزلے سے 14 افراد جاں بحق 500 سے زیادہ زخمی
ساحل سے متصل علاقوں میں سمندر کا پانی داخل ہوگیا۔ شہریوں کو شدید مشکلات کا سامنا ہے

ترکی اور یونان میں خوفناک زلزلے کے باعث جاں بحق ہونے والے افراد کی تعداد 14 ہوگئی ہے، جبکہ 500 سے زیادہ زخمی ہیں۔
ترکی کے شہر ازمیر میں خوفناک زلزلے نے زمین کو لرزا دیا۔ زلزلے کے جھٹکے محسوس ہوتے ہی لوگ گھروں سے باہر نکل آئے۔
ترک خبر رساں ایجنسی انادولو کے مطابق 6.6 شدت کے زلزلے نے ساحلی شہر ازمیر میں تباہی مچادی تھی۔
مجموعی طور پر 17 عمارتوں کے منہدم ہونے کی اطلاعات ہیں۔ قدرتی آفت سے 12 افراد کے جاں بحق اور 522 افراد زخمی ہوگئے ہیں۔
Magnitude 6.6 #quake shakes #Turkey‘s #Aegean Sea coasthttps://t.co/2kP12FP9Rn pic.twitter.com/iKafqZysJZ
— ANADOLU AGENCY (ENG) (@anadoluagency) October 30, 2020
امریکی زلزلہ پیما مرکز کے مطابق ریکٹر اسکیل پر زلزلے کی شدت 7.0 ریکارڈ کی گئی جس سے سب سے زیادہ ترک شہر ازمیر متاثر ہوا۔ زلزلے کے جھٹکے یونان، بلغاریہ اور مصر تک محسوس کیے گئے۔

ترک میڈیا کے مطابق زلزلے کا مرکز ازمیر شہر سے سمندر کی طرف 17 کلو میٹر دور اور گہرائی 16 کلومیٹر تھی۔
امریکی جیولوجیکل سروے کے مطابق زلزلے کی گہرائی 10 کلومیٹر بتائی تھی اور مرکز ترکی کے ساحل سے سمندر کی جانب 33.5 کلومیٹر دور تھا۔
ادھر یونان کے جزیرہ ساموس میں بھی 2 بچوں کی ہلاکت اور 8 افراد کے زخمی ہونے کی اطلاعات ہیں۔
ساحلی علاقوں میں سمندر کا پانی داخل
خوفناک زلزلے کے بعد ترک شہر ازمیر اور بحیرہ ایجیئن کے ساحل سے متصل علاقوں میں سمندر کا پانی داخل ہوگیا ہے۔
نظام زندگی درہم برہم ہوچکا ہے اور شہریوں کو شدید مشکلات کا سامنا ہے۔
[VIDEO] Water levels rise after #earthquake in #Turkey’s #Aegean region https://t.co/0RBDKwyeWr pic.twitter.com/Wtid0QTL9F
— ANADOLU AGENCY (ENG) (@anadoluagency) October 30, 2020
یونان کے جزیرہ ساموس میں زلزلے کے باعث اونچی لہریں اٹھنے کا خدشہ ہے۔ اسی لیے رہائشیوں سے اپیل کی گئی ہے کہ وہ ساحلی علاقوں سے دور رہیں۔
ترک صدر اور پاکستان کا اظہار افسوس
زلزلے کے بعد ترکی کے صدر رجب طیب اردوان نے سماجی رابطے کی ویب سائٹ ٹوئٹر پر اپنا پیغام جاری کیا۔
انہوں نے لکھا کہ مشکل کی اس گھڑی میں عوام کے ساتھ کھڑے ہیں۔
اُنھوں نے کہا ”ہم نے نوٹس لیا ہے اور فوری طور پر شہریوں کی امداد کے لیے اداروں اور متعلقہ وزارتوں کو ہدایات جاری کردی ہیں”
İzmir’de meydana gelen #deprem‘den etkilenen tüm vatandaşlarımıza geçmiş olsun.
Devletimizin tüm imkanlarıyla depremden etkilenen vatandaşlarımızın yanındayız. İlgili tüm kurumlarımızla, bakanlarımızla bölgede gerekli çalışmalara başlamak için harekete geçtik.
— Recep Tayyip Erdoğan (@RTErdogan) October 30, 2020
پاکستان نے بھی ترکی کے شہر ازمیر میں شدید زلزلے پر گہرے دکھ اور افسوس کا اظہار کیا ہے۔
Extremely anguished by news of earthquake in Izmir, #Turkey, and people reportedly trapped in demolished buildings. Like always, people of #Pakistan are in strong solidarity with their Turkish brethren. Our best wishes and prayers!@MFATurkey
— Spokesperson 🇵🇰 MoFA (@ForeignOfficePk) October 30, 2020