روشن ڈجیٹل اکاؤنٹ میں ریکارڈ ترسیلات موصول

آر ڈی اے میں جمع ہونے والی رقم 15 کروڑ 46 لاکھ ڈالر تک جاپہنچی ہے۔

بیرونِ ممالک مقیم پاکستانی ملکی سرمایہ کاری میں بڑھ چڑھ کر حصہ لے رہے ہیں۔ روشن ڈجیٹل اکاؤنٹ میں ایک دن میں ریکارڈ اضافہ دیکھا گیا۔

اسٹیٹ بینک کے مطابق 11 دسمبر کو روشن ڈجیٹل اکاؤنٹ (آر ڈی اے) میں ایک کروڑ 12 لاکھ ڈالر کی ترسیلات موصول ہوئیں۔

جس کے بعد آر ڈی اے میں جمع ہونے والی رقم 15 کروڑ 46 لاکھ ڈالر تک جاپہنچی ہے ۔ اس رقم میں نیا پاکستان سرٹیفکیٹس کی 8 کروڑ 87 لاکھ ڈالر کی سرمایہ کاری بھی شامل ہے۔

 

نیا پاکستان سرٹیفکیٹس وزارت خزانہ کی خصوصی پیش کش ہے۔ جس کا مقصد بیرون ممالک مقیم پاکستانیوں اور شہریوں کو سرمایہ کاری کے سنہرے مواقعے فراہم کرنا ہے ۔

یہ بھی پڑھیے

ورجن اٹلانٹک کا پاکستان میں فضائی آپریشن کا آغاز

ستمبر سے شروع ہونے والے اس پروگرام کے تحت سمندر پار پاکستانیوں کو پاکستان کے 8 بینکس میں اکاؤنٹ کھلوالنے کی سہولت مل گئی ۔

روشن ڈیجیٹل اکاؤنٹ
ProPakistani

واضح رہے کہ روشن ڈجیٹل اکاؤنٹ پروگرام اوورسیز پاکستانیوں کو فنڈز ٹرانسفر، بلوں کی ادائیگی اور پاکستان میں سرمایہ کاری سے متعلق سرگرمیوں کے حوالے سے جدید بینکنگ سہولیات فراہم کرتا ہے۔

متعلقہ تحاریر