پاکستانی محمد رضوان بھارتی باؤلر محمد شامی کے حق میں بول پڑے
محمد رضوان نے کہا کہ ’شامی ایک اسٹار ہے اور واقعی دنیا کے بہترین باؤلر ہیں، اپنے اسٹارز کا احترام کریں
قومی کرکٹ ٹیم کے وکٹ کیپر بیٹسمین محمد رضوان بھارت کی پاکستان سے تاریخ ساز شکست کے بعد شدت پسند ہندو ؤں کی جانب سےبھارتی واحدمسلمان کھلاڑی محمد شامی کے خلاف شدید تنقید کے خلاف ان کے حق میں بول پڑے۔
محمد رضوان نے سماجی رابطوں کی ویب سائٹ ٹوئٹر پر اپنے آفیشل اکاؤنٹ سے بھارتی باؤلر محمد شامی کا ایک آرٹسٹک پورٹریٹ شیئر کرتے ہوئے لکھا ہے کہ ایک کھلاڑی کو اپنے ملک اور اس کے لوگوں کے لیے جس طرح کے دباؤ، جدوجہد اور قربانیوں سے گزرنا پڑتا ہے وہ ناقابلِ بیان ہے۔
The kind of pressure, struggles & sacrifices a player has to go through for his country & his people is immeasurable. @MdShami11 is a star & indeed of the best bowlers in the world
Please respect your stars. This game should bring people together & not divide ‘em #Shami #PAKvIND pic.twitter.com/3p70Ia8zxf
— Mohammad Rizwan (@iMRizwanPak) October 26, 2021
یہ بھی پڑھیے
ٹی ٹوئنٹی ورلڈ کپ کے لیے پاکستان کرکٹ ٹیم کی تباہ کن تیاریاں
پاک بھارت ٹی ٹوئنٹی معرکوں کی تاریخ پر ایک نظر
محمد رضوان نے بھارتی باؤلر محمد شامی کو ٹیگ کرتے ہوئے کہا کہ ’شامی ایک اسٹار ہے اور واقعی دنیا کے بہترین باؤلرز میں سے ہے، محمد رضوان نے کہا کہ براہِ کرم اپنے اسٹارز کا احترام کریں۔ یہ کھیل ہمیں ساتھ جوڑتا ہے نہ کہ تقسیم کرتا ہے۔
اس سے قبل محمد شامی پر ہندو انتہا پسندوں کی جانب سے غدار کہنے پر سابق بھارتی اسٹار بلے باز سچن ٹنڈولکر نے بھی محمدشامی کی حمایت کی تھی ،انھوں نے اپنے ٹوئٹر اکاؤنٹ پر محمد شامی کے حمایت کرتے ہوئے لکھا تھا کہ ’جب ہم انڈین ٹیم کو سپورٹ کرتے ہیں تو ہر اس شخص کو سپورٹ کرتے ہیں جو انڈین ٹیم کی نمائندگی کر رہا ہو۔’محمد شامی ایک ورلڈ کلاس بولر ہیں ‘تاہم یہ ان کا برا دن تھا جیسا کے کسی بھی اسپورٹس مین کا ہوسکتا ہے ٹنڈولکر کا مزید کہنا تھا کہ وہ محمد شامی اور انڈین ٹیم کے ساتھ کھڑے ہیں۔‘
When we support #TeamIndia, we support every person who represents Team India. @MdShami11 is a committed, world-class bowler. He had an off day like any other sportsperson can have.
I stand behind Shami & Team India.
— Sachin Tendulkar (@sachin_rt) October 25, 2021
واضح رہے کہ بھارت کی ٹی ٹوئنٹی میچ میں پاکستان کے ہاتھوں عبرتناک شکست پر بھارتی ٹیم کے واحد مسلمان کھلاڑی محمد شامی کو ہندو انتہا پسندوں کی جانب سے سخت تنقید کا نشانہ بنایا جارہا ہے، انھیں غدار قرار دیتے ہوئے بھارتی کرکٹ ٹیم سے نکالنے کے مطالبات بھی کیے جارہے ہیں۔
