سندھ پولیس نے افغان مہاجرین کو گھروں سے بےدخل کردیا
15 اگست کو افغان دارالحکومت کابل پر طالبان کے قبضے کے بعد سے ہزاروں کی تعداد میں افغان شہری ملک چھوڑ کر دوسرے ممالک میں پناہ حاصل کر رہے ہیں۔
![افغان مہاجرین-afghan](https://news360.tv/wp-content/uploads/2021/11/افغان-مہاجرین.jpg)
سندھ کے شہر خیرپور میں پولیس نے افغان مہاجرین سے گھر خالی کروا دئیے ہیں، سماجی رابطے کی ویب سائٹ پر ایک صارف نے ایسی ہی ویڈیو شیئر کی ہے۔
In Khairpur-Sindh, Afghans have been evicted from their homes by Sindh police bcoz they are refugees from Afghanistan. Sindh govt does not allow them to stay there, @BBhuttoZardari, these people have left their country due to terrorism, after all, they are also human beings? pic.twitter.com/sse3x9tK0U
— Ihtesham Afghan (@IhteshamAfghan) November 1, 2021
احتشام افغان نامی صارف نے ویڈیو شیئر کرتے ہوئے لکھا کہ سندھ پولیس افغانوں کو ان کے گھروں سے نکال رہی ہے کیونکہ وہ افغانستان سے آئے ہوئے مہاجرین ہیں۔
انہوں نے بلاول بھٹو زرداری کو ٹیگ کرتے ہوئے لکھا کہ سندھ حکومت ان لوگوں کو وہاں مزید قیام کی اجازت نہیں دے رہی، یہ لوگ دہشتگردی کی وجہ سے اپنا ملک چھوڑ کر آئے ہیں، کیا یہ انسان نہیں؟
یہ واضح نہیں ہو سکا کہ مذکورہ افغان مہاجرین کتنے عرصے سے خیرپور میں رہائش پذیر تھے اور کیا یہ حال ہی میں افغانستان کی صورتحال کی وجہ سے پاکستان آئے یا دہائیوں سے یہاں مقیم تھے۔
یاد رہے کہ 15 اگست کو افغان دارالحکومت کابل پر طالبان کے قبضے کے بعد سے ہزاروں کی تعداد میں افغان شہری ملک چھوڑ کر دوسرے ممالک میں پناہ حاصل کر رہے ہیں۔