وزیرآباد، چوہدری کے نوعمر بیٹے کا دو کمسن بچوں پر وحشیانہ تشدد
واقعہ ضلع گوجرانوالہ میں پیش آیا، پولیس کے مطابق دو ملزمان گرفتار باقیوں نے ضمانت لے لی، پنچایت غریب بچوں کی پٹائی پر بےحس بن کر بیٹھی رہی۔
پنجاب کے شہر وزیرآباد میں چوہدری کے نوعمر بیٹے کا دو غریب بچوں پر تشدد، چپل، لاتیں، مکے، گھونسے اور تھپڑ مار مار کر غریب بچوں کو بےحال کر دیا۔
پی ٹی وی اینکرپرسن منصور اعظم قاضی نے ٹوئٹر پر ویڈیو شیئر کی جس میں ایک کم عمر لڑکا اپنے ہی ہم عمر لڑکوں پر بدترین تشدد کر رہا ہے اور چوہدری سمیت تمام بڑے بیٹھ کر یہ منظر دیکھ رہے ہیں۔
وزیرآباد! چوھدری کے بیٹے کا غریب محنت کش کے بچوں پر تشدد اس لاقانونیت کی مثال ہے جس میں ہر طاقتور، کمزور کو معاشرے کی بدبو اور غلاظت سمجھتا ہے ۔۔۔ یہ منظر صرف تب ہوتا ہےجب انصاف ملتا نہیں بکتا ہے@OfficialDPRPP @rpogujranwala @CPOGujranwala @UsmanBuzdar @ImranKhanPTI @PakPMO pic.twitter.com/h5vl4rLANo
— Mansoor Azam Qazi (@MansoorAzamQazi) March 3, 2022
سی پی او گجرانوالہ حماد عابد نے واقعے کا نوٹس لے کر تھانہ سوہدرہ پولیس کو کارروائی کی ہدایت کی۔
دو ملزمان کو گرفتار کیا جاچکا ہے جبکہ باقی ملزمان نے ضمانت لے رکھی ہے۔
سٹی پولیس آفیسر کیپٹن(ر) سیّد حماد عابد کے نوٹس پر تھانہ سوہدرہ پولیس کی کاروائی۔
بچوں پر تشدد کرتے ویڈیو بنا کر اسے سوشل میڈیا پر اپلوڈ کرنے والے دو کس ملزمان گرفتار۔
قانون کو ہاتھ میں لینے کی کسی کو اجازت نہیں دے سکتے کیونکہ قانون سے کوئی بالا تر نہیں۔(سی پی او) pic.twitter.com/q12wpb7na6— CPO Gujranwala (@CPOGujranwala) March 2, 2022
جو کوئی بھی چوہدری اور اس کا بیٹا اس واقعے میں ملوث ہیں انہوں نے بہت بڑا کارنامہ انجام دیا ہے کہ دو غریب بچوں کو مارا۔
اپنے جیسے کسی بڑے آدمی سے مقابلہ ہو تو بڑے بڑے چوہدری ہاتھ جوڑ لیتے ہیں لیکن غریب کو دیکھ کر اس پر چڑھائی کرتے ہیں۔
وزیراعظم عمران خان بارہا پاکستان کو ریاست مدینہ بنانے کا دعویٰ کرچکے ہیں لیکن عوام تو عرب کے زمانہ جاہلیت میں ہی رہنا چاہتی ہے۔
اس واقعے پر وزیراعلیٰ پنجاب عثمان بزدار کو بھی نوٹس لینا چاہیے اور چوہدری صاحب کی چوہدراہٹ کا دافع و شافع علاج کرنا چاہیے۔
