روسی ذرائع ابلاغ پر پابندی نہیں لگاؤں گا، ایلون مسک

اسپیس ایکس چیف ایلون مسک نے کہا ہے کہ کچھ حکومتوں نے اسٹار لنک سیٹلائٹ براڈ بینڈ سروس کو روسی ذرائع ابلاغ پر پابندی لگانے کی ہدایت کی ہے۔

ایلون مسک نے ٹویٹ کرتے ہوئے کہا کہ ہم ایسا بالکل نہیں کریں گے جب تک ہمیں گن پوائنٹ پر یہ ہدایت نہیں دی جائے۔

Starlink has been told by some governments (not Ukraine) to block Russian news sources. We will not do so unless at gunpoint.

Sorry to be a free speech absolutist.

— Elon Musk (@elonmusk) March 5, 2022

ان کا کہنا تھا کہ معذرت لیکن میں آزادیءِ اظہار رائے کا شدید حامی ہوں۔

ایلون مسک نے یہ بھی کہا کہ اسپیس ایکس کو سائبر حملوں سے بچانے اور خراب سگنلز کا مسئلہ حل کرنے کیلیے نئی پروگرامنگ کی گئی ہے جس سے اسٹارشپ اور اسٹار لنک کنیکٹیویٹی میں معمولی سا تعطل آئے گا۔

SpaceX reprioritized to cyber defense & overcoming signal jamming.

Will cause slight delays in Starship & Starlink V2.

— Elon Musk (@elonmusk) March 5, 2022

اسی ہفتے، مسک نے خبردار کیا تھا کہ روسی فوج کے قبضے کے بعد یوکرین میں موجود اسٹارلنک پر حملے کا خطرہ ہے۔

یہ بھی پڑھیے

روس کی فٹبال ٹیم ورلڈکپ سے باہر، فیفا نے پابندی لگادی

فرانس میں کھیلوں کے دوران حجاب پر پابندی کا قانون منظور

اسپیس ایکس کا اسٹارلنک سیٹلائٹ انٹرنیٹ پوری دنیا میں فعال ہے۔

یوکرین کے نائب وزیراعظم کی درخواست پر ایلون مسک نے پچھلے ہفتے اعلان کیا تھا کہ ان کی کمپنی اسٹارلنک یوزر ٹرمینلز کو جنگ زدہ خطے میں استعمال کرے گی۔

یوکرینی نائب وزیراعظم نے یہ درخواست اس تناظر میں کی تھی تاکہ جنگ کے دنوں میں بھی ملک میں انٹرنیٹ سروسز بحال رہیں۔