عمران خان کی ٹیم اپنے کاموں کے بارے میں بتا نہیں پارہی، شاہد آفریدی

پاکستان کرکٹ ٹیم کے سابق کپتان شاہد آفریدی نے موجودہ ملکی سیاسی صورتحال پر اظہار خیال کرتے ہوئے کہا ہے کہ ایسی بات نہیں کہ عمران بھائی کی حکومت نے کچھ نہیں کیا، عمران خان کی ٹیم اپنے کاموں کے بارے میں بتا نہیں پارہی

سابق آل راؤنڈر نے کہا کہ  عمران خان نے الیکشن سے قبل عوام سے کچھ زیادہ بڑے وعدے کرلئے تھے۔ عمران خان کے بڑے وعدے پورے کرنے کیلئے 10 سے 15 برس چاہئیں ۔

یہ بھی پڑھیے

فواد چوہدری نے فوج کے خلاف سازش سے قوم کو آگاہ کردیا

عثمان بزدار کے متحرک ہوتے ہی ترین اور علیم گروپ میں پھوٹ پڑگئی

کشمیر پریمئیر لیگ کے روڈ شو کے موقع پر لندن میں میڈیا سے بات چیت کرتے ہوئے شاہد آفریدی نے کہا کہ عمران خان کو معقول ہوم ورک اور مخلص ٹیم کے ساتھ آنا چاہئے تھا۔انہوں نے مزید کہا کہ میں نہیں کہوں گا کہ سیاست میں نہیں آؤں گا، تاکہ یوٹرن کا الزام نہ لگے۔

ایسا نہیں ہے کہ عمران خان کی حکومت نے کچھ نہیں کیا ہے۔ عمران بھائ نے کام کیے ہیں لیکن ُان کی ٹیم دکھا نہیں رہی ہے، بتا نہیں رہی ہے۔ جو وعدے عمران خان نے کئیے تھے ُان کاموں کیلۓ دس پندرہ سال چاہئے۔ کرکٹ سٹار شاہد خان آفریدی کی لندن میں میڈیا سے گفتگو۔ @SAfridiOfficial pic.twitter.com/2x2RxW7QCy

— Ihtisham Ul Haq (@iihtishamm) March 10, 2022

اس موقع پر شاہد آفریدی نے مزید کہا کہ کشمیر پریمئیر لیگ کے میچز کا برطانیہ میں ہونا خوش آئند ہوگا، اس کے ذریعے دنیا کو پیغام گیا کہ کشمیر کے لوگ پرامن اور محنت کرنے والے ہیں، کے پی ایل میں دو نئی فرنچائزز کی شمولیت اس کی مقبولیت کی دلیل ہے۔

شاہد آفریدی کا کہنا تھا کہ کے پی ایل کا حکومت کی تبدیلی سے کوئی تعلق نہیں ہونا چاہیے، کے پی ایل کا ٹیلنٹ پی ایس ایل اور پاکستان ٹیم کا حصہ بنے گا۔

A pleasure meeting His Excellency Moazzam Ahmad Khan at the inauguration of Kashmir Premier League, Season 2. My best wishes for the upcoming event 🇵🇰 pic.twitter.com/NlKjW28WON

— Shahid Afridi (@SAfridiOfficial) March 10, 2022

 شاہد آفریدی نے اپنے ٹوئٹ میں لکھا کہ  کشمیر پریمئیر لیگ سیزن ٹو کے افتتاح کے موقع پر ہائی کمشنر معظم احمد خان سے مل کر خوشی ہوئی۔شاہد آفریدی نے کشمیر پریمئیر لیگ کے حوالے سے نیک خواہشات کا اظہار بھی کیا۔