لمز یونیورسٹی کے طلبہ آرمی چیف جنرل قمر باجوہ کے مداح بن گئے

آرمی چیف جنرل قمر جاوید باجوہ نے گزشہ روز لمز یونیورسٹی آف مینجمنٹ سائنسز میں سیمینار سے خطاب کیا اور طلبہ و طالبات کے سوالوں کے جواب بھی دیئے۔

لمز کے طلبہ سے معلوم ہوا کہ آرمی چیف نے ایک گھنٹے تک اپنا خطاب کیا جس کے بعد 6 گھنٹے تک شرکا کے سوالوں کے جواب دیئے۔

آئی ایس پی آر کے مطابق جنرل قمر جاوید باجوہ نے خطاب کرتے ہوئے کہا کہ دشمن قوتیں پراپیگنڈا اور غلط معلومات پھیلا رہی ہیں جس سے قومی اتحاد کو خطرہ ہے۔

ان کا کہنا تھا کہ ان قوتوں کی شناخت ہونی چاہیے اور ہم سب کو مل کر ان کا مقابلہ کرنا چاہیے۔

آرمی چیف کے یونیورسٹی پہنچنے پر لمز کے وائس چانسلر ڈاکٹر ارشد احمد ملک اور فیکلٹی ممبران نے ان کا استقبال کیا۔

اسی تناظر میں جنرل قمر جاوید باجوہ ٹوئٹر پر ٹرینڈ کر رہے ہیں اور لمز کے طلبہ و طالبات سپہ سالار کے ساتھ ملاقات کا احوال بیان کر رہے ہیں۔

ماہم ناصر لمز لاہور کیمپس میں پڑھاتی ہیں، انہوں نے ایک ٹویٹ میں اپنے طالبعلم کی دلچسپ بات شیئر کی، ان کے شاگرد نے کہا کہ جو لوگ بھی آرمی چیف کے سیشن میں شرکت کیلیے گئے وہ اسٹیبلشمنٹ مخالف تھے لیکن جب باہر آئے تو اسٹیبلشمنٹ کے حامی بن چکے تھے۔

my student: “i don’t know what happened at LUMS yesterday but everyone who went into that session with the COAS was anti-establishment and came out as pro-establishment” 😂😂😂😂😂😂😂

— Maham Nasir (@lightermachis) March 15, 2022

ایک طالبعلم زوہیب بابر نے ٹویٹ کیا کہ جنرل قمر جاوید باجوہ نے کہا کہ وہ سمجھتے ہیں فوج اور نوجوانوں کے درمیان رابطے کا فقدان ہے اور وہ یہاں اس خلیج کو پُر کرنے آئے ہیں۔

General Bajwa in his talk at LUMS stated that he believes that there has long been a communication gap between the army and the youth and he is here to initiate the filling of that gap. The twitter trend shows that the visit served its purpose.

— Zohaib Babar (@zohaibbabar97) March 15, 2022

حسن امتیاز نے لکھا کہ اگر لمز کے بچے جنرل باجوہ کی تعریف کر رہے ہیں اس کا یہ مطلب نہیں کہ وہ راتوں رات اسٹیبلشمنٹ کے حامی بن گئے۔

یہ تعریف اس لیے ہے کہ آرمی چیف 8 گھنٹے تک یونیورسٹی میں رہے اور ہر طرح کے سوال کا جواب دیا۔

And for information we also had a beautiful session held by professors named as "Militarization of Universities” when he was still inside LUMS.

— Hassan Imtiaz (@Zarsan88) March 15, 2022

حسن امتیاز نے مزید بتایا کہ جب آرمی چیف کا سیمینار جاری تھا تو یونیورسٹی میں پروفیسرز کے زیر اہتمام ‘یونیورسٹیز میں عسکریت پسندی’ کے عنوان سے ایک سیمینار اور ہورہا تھا۔

انسائیڈر نامی ٹوئٹر صارف نے بتایا کہ جب جنرل قمر جاوید باجوہ سے ملکی معاملات میں فوج کی مداخلت پر سوال ہوا تو انہوں نے کہا اگر آپ سمجھتے ہیں کہ ملک کے فیصلے فوج کرتی ہے تو آپ وزیراعظم عمران خان کو نہیں جانتے۔

"If you think I call the shots in the country, then you don’t know who PM Imran Khan is .” -COAS General Bajwa apparently told in response to a question by a LUMS student about military interference in the country.

Very interesting statement.

— OSINT Insider (@OSINT_Insider) March 15, 2022