بی جے پی رہنما کی بیٹیوں نے حجاب اوڑھ لیے

بھارتیہ جنتا پارٹی کے رہنما اور اداکار کرشنا کمار نے حال ہی میں اپنی دونوں صاحبزادیوں کے ہمراہ ابوظہبی کی شیخ زائد جامعہ مسجد کا دورہ کیا۔

سوشل میڈیا صارفین نے اس بات پر خوشی کا اظہار کیا کہ بی جے پی رہنما کی بیٹیوں نے مسجد میں حجاب لیا ہوا تھا۔

یہ بھی پڑھیے

کرناٹک ہائی کورٹ نے حجاب پر پابندی کو جائز قرار دے دیا

زائرہ وسیم نے کرناٹک کے اسکولوں میں حجاب پر پابندی کو ناانصافی قرار دے دیا

کرشنا کمار نے اپنے ان یادگار لمحات کی تصاویر فیس بک پیج پر شیئر کیں حالانکہ بھارت میں ان کی پارٹی کی طرف سے مسلمانوں کے خلاف اقدامات جاری ہیں، بالخصوص کرناٹک میں۔

Only for record… pic.twitter.com/O51NtPr6XN

— Zafarul-Islam Khan (@khan_zafarul) March 18, 2022

کرناٹک میں طالبات کو حجاب پہننے پر اسکول میں داخلے کی اجازت نہیں ملی جس کے بعد ملک بھر کے تعلیمی اداروں میں باحجاب طالبات کو روکنے کا سلسلہ شروع ہوا۔

یہ واقعات ان ریاستوں میں زیادہ رپورٹ ہوئے جہاں پر بی جے پی کی حکومت ہے۔

کرناٹک کی عدالت نے تعلیمی اداروں میں حجاب پہننے پر پابندی لگانے کا فیصلہ سنایا تھا جسے بھارت کی سپریم کورٹ میں چیلنج کردیا گیا ہے۔

دہلی اقلیتی کمیشن کے سابق سربراہ اور صحافی ظفر الاسلام نے ٹویٹ کرتے ہوئے کرشنا کمار اور ان کی صاحبزادیوں کی تصاویر شیئر کی ہیں۔