جلیل عباس جیلانی نے اسد مجید کیخلاف ماریانہ بابر کا پروپیگنڈا مستردکردیا

سابق سیکریٹری خارجہ اور امریکا میں پاکستان کے سابق سفیر جلیل عباس جیلانی نے سینئر سفارتکار اسد مجید  کیخلاف دی نیوز کی سینئر رپورٹر ماریانہ بابر کے پروپیگنڈے کو مسترد کردیا۔

ماریانہ بابر نے حال ہی میں امریکا کے بعد برسلز میں تعینات ہونے والے پاکستانی سفیر اسد مجید خان  پر الزام عائد کیا تھا کہ انہوں نے برسلز میں تعیناتی حاصل کرنے کیلیے حکومت کی خواہش پر مراسلہ تحریر کیا۔

یہ بھی پڑھیے

لیٹر گیٹ کی تحقیقات کیلیے سپریم کورٹ میں درخواست دائر، تحریک عدم اعتماد پر ووٹنگ رکوانے کا مطالبہ

شیخ رشید نے سیاسی بحران کے 4حل پیش کردیے،عیدکے بعد اینکر بننے کا اعلان

ماریانہ بابر نے اپنےٹوئٹر تھریڈ میں لکھا تھا کہ عام تاثر یہی ہے کہ حکومت نے اسد مجید خان کودفتر خارجہ کے ذریعےبیلجیئم میں تعیناتی کے بدلے ایسا خط لکھنے پر مجبور کیا تھا۔ اسی لیے حکومت لیٹر گیٹ کی تحقیقات کا حکم دینے سے انکار کر رہی ہے۔

“Common belief is Asad Khan was leaned upon by govt via Foreign Office to write such a letter in exchange for the posting in 🇧🇪

That is why govt is refusing to order an investigation into Lettergate…

— Mariana Baabar (@MarianaBaabar) April 1, 2022

ماریانہ بابر نے مزید لکھا کہ یہ بات درست ہے یا نہیں  لیکن یہ  یقینی ہے کہ برسلز میں تعینات سفیر کو اگلی حکومت مناسب وقت پر واپس بلائے گی تاکہ یہ وضاحت کی جا سکے کہ اصل میں کیا ہوا تھا۔

جلیل عباس جیلانی نے ماریانہ بابر کو جواب دیتے ہوئے لکھا کہ اسد مجید نے وہی کیا جو انہیں کرنا چاہیے تھا کہ جو کچھ بھی ان تک پہنچایا گیا اسے ایمانداری سے رپورٹ کریں ۔

Dear @MarianaBaabar, Asad Majeed did what he was supposed to do – report whatever was conveyed to him truthfully and honestly. He is an outstanding diplomat. Worked with me as DCM in Washington. He has unquestionable integrity https://t.co/vF5U4kZfeY

— Jalil Abbas Jilani (@JalilJilani) April 1, 2022

جلیل عباس جیلانی نے مزید لکھا کہ اسد مجید ایک  شاندار سفارتکار ہیں  ، میرے  ساتھ واشنگٹن میں بطور ڈپٹی چیف مشن کام کرچکے ہیں ، ان کی دیانت داری کسی شک و شبہے سے بالاتر ہے۔