نمکو پیکٹ پر اردو کیوں؟ بھارتی رپورٹر کی نرالی منطق

بھارت کی ایک فارغ العقل ٹی وی رپورٹر نے مشہور نمکو پیکٹ پر اردو زبان میں درج ہدایات پر اسٹور منیجر کے ساتھ فضول بحث کی جس نے سوشل میڈیا پر بھی زور پکڑ لیا ہے۔

پہلے ہی بھارت میں حلال گوشت، حجاب اور اذان کو لے کر مختلف مباحثے ہو رہے تھے کہ اب ایک نئی بحث چھڑ گئی ہے۔

Ab HaldiRAM bhi anti-national ho gaya. pic.twitter.com/OM7FuWegoy

— Cryptic Miind (@Cryptic_Miind) April 5, 2022

ٹی وی رپورٹر نمکو کمپنی ‘ہلدی رام’ کے اسٹور پر جا کر اسٹور منیجر سے پوچھ رہی ہے کہ نمکو کے پیکٹ پر اردو زبان میں ہدایات کیوں درج ہیں؟

خاتون منیجر رپورٹر کو سمجھانے کی کوشش کر رہی ہے کہ میرے پاس تین کمیونٹیز کے لوگ آتے ہیں جن کو تینوں زبانیں آتی ہیں، وہ انگریزی، ہندی اور اردو تینوں جانتے ہیں، تو اگر پیکٹ پر اردو میں ہدایات درج ہیں اس سے کسی کو کیا نقصان ہے؟

رپورٹر مستقل فضول سوالات پوچھے جا رہی ہے، کہہ رہی ہے کہ اردو میں آپ نے یہ بتانے کی کوشش تو نہیں کی کہ اس نمکو میں گائے کی چربی کا تیل استعمال کیا گیا ہے؟

اسٹور منیجر نے کہا کہ یہ ہلدی رام کا نمکو اگر آپ خریدنا چاہتی ہیں تو آپ خرید لیجیے لیکن آپ نہیں لینا چاہتیں تو بےجا سوالات نہ کیجیے۔

اس واقعے کی پورے سوشل میڈیا پر مذمت کی جا رہی ہے، کئی افراد نے کہا کہ نمکو پیکٹ پر اردو نہیں عربی زبان لکھی ہے کیونکہ یہ مشرق وسطیٰ میں برآمد کیا جاتا ہے۔

Here is some Urdu text. Will this reporter go to the Railways and ask what it is about? #Haldirams pic.twitter.com/DGZ8KDUoXv

— Drama Prasad Mukherjee (@KSasiKL1987) April 5, 2022

کچھ سوشل میڈیا صارفین نے بہت سی مثالیں پیش کیں جہاں ہندی اور انگریزی کے ساتھ ساتھ اردو زبان بھی استعمال کی گئی تھی جس میں ریلوے بورڈ سے لے کر بھارت کے کرنسی نوٹ تک شامل ہیں۔

Boycott Gang lets start boycott indian currency… #Urdu #haldiram #Haldirams pic.twitter.com/cW6pDgmiTp

— Prince Siddique (@PrinceSidd786) April 5, 2022

اس ٹی وی رپورٹر کا تعلق سودرشن ٹی وی سے ہے جسے ماضی میں بھی سپریم کورٹ کی طرف سے اسلاموفوبیا پر مبنی پروگرام کی وجہ سے تنبیہ کی جاچکی ہے۔