وسیم اکرم نصیحتوں سے تنگ آکر سوئمنگ پول میں کود گئے

سوئمنگ پول کی وڈیو شیئر کی تو قمیص نہ پہننے پر سب نے داداؤں کی طرح نصیحتیں شروع کردیں، لو میں تھری پیس سوٹ پہنچ کر آگیا،فاسٹ بولر

ویب ڈیسک15 اپریل 2022

سوئنگ کے سلطان وسیم اکرم سوشل میڈیا صارفین کی نصیحتوں سے تنگ آکر تھری پیس سوٹ پہن کر سوئمنگ پول میں کود گئے۔ ناقدین پر دل کی بھڑاس نکال دی۔

وسیم اکرم کی ایک وڈیو ٹوئٹر پر وائرل ہورہی ہے جس میں انہیں سوٹ پہنے سوئمنگ پول میں کھڑا دیکھا جاسکتا ہے۔

یہ بھی پڑھیے

شان مسعود انگلش کاؤنٹی میں ڈبل سنچری بنانے والے پہلے پاکستانی بن گئے

آئی سی سی رینکنگ: شاہین آفریدی تینوں فارمیٹس کے ٹاپ ٹین میں شامل

وسیم اکرم نے وڈیو میں کہا کہ میں نے ایک وڈیو پوسٹ کی تھی جس میں کمر تک پول میں تھا۔ لیکن بہت سے لوگوں نے داداؤں کی طرح نصیحتیں کیں کہ آپ شرم نہیں آتی آپ بغیر قمیص کے نہارہے ہیں،لو خوش ہو تھری پیس سوٹ پہن کے نہارہے ہیں ، نصیحتیں دینے سے باز نہ آناسارے۔