اچھی کارکردگی کے اعتراف کے باوجود حکومت کا رضا باقر کو گھر بھیجنے کا فیصلہ
وزیر خزانہ مفتاح اسماعیل نے کہا ہے کہ سابق گورنر اسٹیٹ بینک نے اپنے دور میں بہتری کام کیا تاہم حکومت نے انہیں مدت ملازمت میں توسیع نہ دینے کا فیصلہ کیا ہے۔
چیئرمین ایف بی آر کی طرح وفاقی حکومت نے گورنر اسٹیٹ بینک رضا باقر کو بھی گھر بھیجنے کی تیاری کر لی ہے ، گورنر اسٹیٹ بینک ڈاکٹر رضا باقر کی تین سالہ مدت ملازمت کا آج آخری روز ہے تاہم وفاقی حکومت نے انہیں ملازمت میں توسیع نہ دینے کا فیصلہ کیا ہے۔
سماجی رابطوں کی ویب سائٹ ٹوئٹر پر پیغام جاری کرتے ہوئے وفاقی وزیر خزانہ مفتاح اسماعیل نے لکھا ہے کہ "کل گورنر اسٹیٹ بینک ڈاکٹر رضا باقر کی 3 سالہ میعاد ختم ہو رہی ہے۔ میں نے ان سے بات کی ہے اور انہیں حکومت کے فیصلے سے آگاہ کردیا ہے۔
یہ بھی پڑھیے
دی نیوز اخبار مثبت رپورٹنگ میں 5 ارب ڈالر آگے نکل گیا
مفتاح اسماعیل ٹیکس کلیکشن میں اضافے پر ایف بی آر کے معترف
انہوں نے مزید لکھا ہے کہ ” میں رضا کی پاکستان کے لیے خدمات کا شکریہ ادا کرنا چاہتا ہوں۔ وہ ایک غیر معمولی قابل انسان ہیں ، ہم نے اپنے مختصر وقت میں ان کے ساتھ کام کیا۔ میں اس کے لیے نیک تمناؤں کا اظہار کرتا ہوں۔”
Tomorrow Governor SBP Dr Reza Baquir’s 3-year expires. I have spoken to him and told him of the government’s decision. I want to thank Reza for his service to Pakistan. He is an exceptionally qualified man & we worked well during our brief time together. I wish him the very best.
— Miftah Ismail (@MiftahIsmail) May 3, 2022
ایک جانب وفاقی وزیر خزانہ مفتاح اسماعیل ، ڈاکٹر رضا باقر کی قابلیت کی تعریف کررہے ہیں وہیں دوسری جانب ان کی مدت ملازمت میں توسیع نہ دینے کی توثیق بھی کررہے ہیں ، مطلب یہ کہ ان کا بیان ان کے عمل سے مطابقت نہیں رکھ رہا۔
دوسری جانب وفاقی وزیر خزانہ مفتاح اسماعیل نے ٹوئٹر پر پیغام جاری کرتے ہوئے لکھا ہے کہ ” جیسا کہ گورنر اسٹیٹ بینک ڈاکٹر رضا باقر کی مدت ختم ہوگئی ہے، قانون کے مطابق سینئر ترین ڈپٹی گورنر کو نئے گورنر کی تعیناتی تک قائم مقام گورنر تعینات کیا ہے۔”
As the term of Governor SBP Dr Reza Baqir has come to an end, as per law the senior most Deputy Governor takes over until. Therefore Dr Murtaza Syed, an eminently qualified economist with rich IMF experience, will take over as Governor SBP. I wish him the best in his new role.
— Miftah Ismail (@MiftahIsmail) May 4, 2022
مفتاح اسماعیل نے مزید لکھا ہے کہ ” ڈاکٹر مرتضیٰ سید کو آئی ایم ایف کے کام کرنے کا بھرپور تجربہ ہے ، وہ ایک نامور ماہر معاشیات، گورنر اسٹیٹ بینک کا عہدہ سنبھالیں گے۔ میں ان کے نئے عہدے کے لیے نیک خواہشات کا اظہار کرتا ہوں۔”
دوسری جانب ڈاکٹر رضا باقر نے سماجی رابطوں کی ویب سائٹ ٹوئٹر پر پیغام جاری کرتے ہوئے لکھا ہے کہ ” الحمدللہ کل میں گورنر اسٹیٹ بینک کی حیثیت سے اپنے 3 سال مکمل کر رہا ہوں۔ اللہ کا کرم ہے کہ جس نے مجھے سرکاری عہدے پر اپنے ملک کی خدمت کا موقع دیا۔ میں اپنے ساتھی پاکستانیوں ، خاص طور پر بیرون ملک مقیم پاکستانیوں سے درخواست کرتا ہوں کہ وہ اسی طرح سے عوامی خدمت پر توجہ کو مرکوز رکھیں۔”
Alhamdulillah tomorrow I complete my 3 years as Governor of our central bank @StateBank_Pak. Allah has been kind to give me the chance to serve my country in public office. To other fellow Pakistanis, especially overseas, I encourage you to consider public service 1/n
— Reza Baqir (@rezabaqir) May 3, 2022
ڈاکٹر شہباز گل کا ردعمل
وفاقی حکومت کے فیصلے پر طنز کرتے ہوئے سابق وزیراعظم عمران خان کےمعاون خصوصی ڈاکٹر شہباز گل کا کہنا ہے کہ "ایف بی آر نے بہترین کارکردگی دکھاتےہوئے تاریخ کی بلند ترین ٹیکس کولیکشن کی ، لیکن چیئرمین ایف بی آر کو ہٹا دیا گیا۔”
FBR بہترین کارکردگی تاریخ کی بلند ترین ٹیکس کولیکشن کی
لیکن چیئرمین FBR کو ہٹا دیا گیا
رضا باقر غیر معمولی قابل آدمی ہیں بہترین کام کیا: مفتاح اسماعیل
لیکن رضا باقر کو ہٹا دیا
اللّٰہ رحم کرے پاکستان پر
نوٹ چھاپنے،قرض کے ڈالر مارکیٹ میں جھونک کر ڈالر کی قیمت کم کرنے کا پلان— Dr. Shahbaz GiLL (@SHABAZGIL) May 3, 2022
شہباز گل نے مزید لکھا ہے کہ ” مفتاح اسماعیل ، رضا باقر کو غیر معمولی قابل آدمی قرار دے رہے کیوںکہ انہوں نے بہترین کام کیا۔ لیکن رضا باقر کو ہٹا دیا اللّٰہ رحم کرے پاکستان پر نوٹ چھاپنے، قرض کے ڈالر مارکیٹ میں جھونک کر ڈالر کی قیمت کم کرنے کا پلان۔”
سابق وزیر خزانہ شوکت ترین کا اظہار افسوس
واضح رہے کہ اس سے قبل وفاقی حکومت نے چیئرمین ایف بی آر کو بہترین ٹیکس کولیکشن کے باوجود ان کو ان کے عہدے سے ہٹا دیا تھا۔
سابق چیئرمین ایف بی آر اشفاق احمد کو ہٹائے جانے پر ردعمل دیتے ہوئے شوکت ترین کا کہنا تھا ٹیکس کولیکشن میں اشفاق احمد کا بہت زیادہ تجربہ تھا شہباز شریف حکومت کو انکے تجربے سے فائدہ اٹھانا چاہیے تھا۔
