شہباز گل کی گاڑی کو حادثہ یا قاتلانہ حملہ؟

موٹروے پر ٹریفک حادثے کے نتیجے میں پی ٹی آئی رہنما شہباز گل زخمی ہوگئے۔ موٹروے پولیس کے مطابق شہباز گل لاہور سے اسلام آباد جا رہے تھے۔

حادثہ ہونے کے باعث شہباز گل کی گاڑی الٹ گئی، افسوس ناک واقعے کے وقت دو افراد شہباز گل کے ہمراہ تھے۔

دونوں مسافر اور شہباز گل حادثے کی وجہ سے زخمی ہوگئے، موٹروے پولیس نے جائے وقوعہ پر پہنچ کر شہباز گل کو گاڑی سے نکالا۔

شہباز گل کی گاڑی الٹ گئی تھی، موٹروے پولیس نے ان کو اور ان کے دو ساتھیوں کو گاڑی سے ریسکیو کیا۔

تینوں افراد کو معمولی چوٹیں آئی تھیں جس کے لیے طبی امداد بھی موقع پر ہی فراہم کی گئی۔

شہباز گل کے ایک ساتھی نے الزام لگایا کہ انہیں کسی گاڑی نے ٹکر ماری جو بہت دیر سے ان کا پیچھا کر رہی تھی۔

ان کا کہنا تھا کہ حادثے کے بعد وہ گاڑی سڑک پر سے غائب ہوگئی۔

Dr.Shahbaz Gill injured, car overturned on motorway, news reports indicate that it was a planned hit by a car that was chasing him! Looks like a murder attempt! Who will investigate in a country without credible institutions? When govt officials issue threats of violence? pic.twitter.com/Lgr7CKFYNC

— Moeed Pirzada (@MoeedNj) May 5, 2022

سینئر صحافی معید پیرزادہ نے بھی ٹویٹ کرتے ہوئے کہا کہ ابتدائی رپورٹس کے مطابق یہ حادثہ نہیں بلکہ شہباز گل کو قتل کرنے کا منصوبہ تھا۔

انہوں نے کہا کہ اس واقعے کی تحقیقات کون کرے گا جب ادارے کی اپنی ساکھ خراب ہوچکی ہو؟