بھارت، پیٹرول اور ڈیزل کی قیمتوں میں 17 روپے تک کمی
بھارتی وزیر خزانہ نے کہا ہے کہ پیٹرولیم مصنوعات کی قیمتوں پر سے سینٹرل ایکسائز ڈیوٹی ختم کر رہے ہیں، ایک لاکھ کروڑ کا بوجھ پڑے گا۔
بھارتی وزیر خزانہ نرملا نے پیٹرول پر 9.5 روپے فی لیٹر جبکہ ڈیزل پر 7 روپے فی لیٹر کم کرنے کا اعلان کر دیا ہے۔
پیٹرول پر سینٹرل ایکسائز ڈیوٹی 8 روپے فی لیٹر جبکہ ڈیزل پر 6 روپے فی لیٹر کم کر دی گئی ہے۔
1/12 Our government, since when @PMOIndia @narendramodi took office, is
devoted to the welfare of the poor.We’ve taken a number of steps to help the poor and middle class. As a result, the average inflation during our tenure has remained lower than during previous governments.— Nirmala Sitharaman (@nsitharaman) May 21, 2022
حکومت نے کہا ہے کہ اسے سینٹرل ایکسائز ڈیوٹی کی مد میں یہ کمی کرنے پر ایک لاکھ کروڑ کا نقصان ہوگا۔
وزیر خزانہ نے تمام ریاستوں کو اسی طرح سے ڈیوٹی کم کرنے کی ہدایت کی اور کہا کہ عام آدمی کو فائدہ پہنچایا جائے۔
دہلی میں پیٹرول کی قیمت 95.91 روپے فی لیٹر ہوجائے گی جبکہ ڈیزل 89.67 روپے فی لیٹر ملے گا۔
بھارتی حکومت کی طرف سے اجوالا یوجانا پروگرام میں شامل شہریوں کو گیس سلینڈر پر 200 روپے سبسڈی دینے کا بھی اعلان کیا ہے۔
وزیر خزانہ نے کہا کہ گیس سلینڈر دی جانے والی سبسڈی کی وجہ سے خزانے پر 6100 کروڑ روپے کا بوجھ پڑے گا۔
تجزیہ کاروں نے کہا ہے کہ کیا وزیراعظم شہباز شریف بھی پڑوسی ملک بھارت کی طرح پیٹرول اور ڈیزل کی قیمتوں میں سبسڈی دیں گے؟
