وفاقی حکومت نے پیٹرولیم مصنوعات کی قیمتیں پھونکوں سے کنٹرول کرنے کا نسخہ نکال لیا

وفاقی حکومت نے پیٹرولیم مصنوعات کی قیمتیں برقرار رکھنے کا اعلان کردیا ، وزیر خزانہ اسحاق ڈار نے کہا ہے اوگرا نے پیٹرول سستا جبکہ ڈیزل اور مٹی کا تیل مہنگا کرنے کی سفارش کی تھی ، دوسری جانب وزیراعظم شہباز شریف کا کہنا ہے اگر مولانا فضل الرحمان پھونک مار دیں تو ایک مرتبہ پھر سے قیمتیں کم ہو جائیں گی۔

پیٹرولیم مصنوعات کی قیمتوں میں ردوبدل کے حوالے سے امریکا میں موجود وزیر خزانہ اسحاق ڈار نے اعلان کرتے ہوئے کہا کہ 31 اکتوبر تک پیٹرولیم مصنوعات کی قیمتوں میں کوئی تبدیلی نہیں کی جارہی۔

یہ بھی پڑھیے

کے الیکٹرک صارفین کے لیے خوشخبری، بجلی کے فی یونٹ میں 4.89 روپے کمی

شہباز حکومت کے 6 ماہ میں زرمبادلہ کے ذخائر تین سال کی کم ترین سطح پرآگئے

وفاقی وزیر خزانہ کا کہنا تھا پیٹرولیم مصنوعات کی قیمتیں برقرار رہیں گی۔ اسحاق ڈار کا کہنا تھا اوگرا نے ڈیزل ، مٹی کے تیل اور لائٹ ڈیزل کی قیمتوں میں اضافے کی سمری بھیجی تھی جبکہ پیٹرول کی قیمت میں معمولی کمی کی تجویز دی تھی۔

ان کا کہنا تھا کہ وزیراعظم کی اجازت اور مشورے کے بعد قیمتوں میں کوئی تبدیلی نہ کرنے کا فیصلہ کیا گیا۔

میڈیا رپورٹس کے مطابق حالیہ ٹیکسز کی شرح کے تحت اوگرا نے پیٹرول کی قیمت میں تقریباً 11 روپے فی لیٹر تک کمی  کی سفارش کی تھی جبکہ ہائی اسپیڈ ڈیزل کی قیمت میں تقریباً ساڑھے گیارہ روپے تک اضافے کی تجویز دی تھی۔

میڈیا رپورٹس کے مطابق اوگرا نے مٹی کے تیل کی قیمت میں ساڑھے چار فی لیٹر اضافے کی سمری بھیجی تھی جبکہ لائٹ ڈیزل کی قیمت میں 7 روپے 50 پیسے فی لیٹر اضافے کی سمری بھیجی تھی۔

دوسری جانب پیٹرولیم مصنوعات کی قیمتوں میں ردوبدل کے حوالے سے وزیراعظم شہباز شریف کے خطاب کا ایک کلپ سوشل میڈیا پر وائرل ہورہا ہے جس میں وہ قیمتوں کو پھونکوں سے کنٹرول کرنے کا درس دے رہے ہیں۔

پاکستانی معیشت مولانا کی پھونک سے ٹھیک ہوگی ہےـ۔ شہباز شریفpic.twitter.com/jojeaJacA4

— Ihtisham Ul Haq (@iihtishamm) October 15, 2022