کیٹ میڈلٹن کے پاس دنیا کی مشہور ترین انگوٹھی
کیٹ میڈلٹن کی انگوٹھی میں ایک نیلم اور 14 ہیرے جڑے ہیں۔ انگوٹھی 18 قیراط وائٹ گولڈ سے تیار کی گئی ہے۔
برطانوی شہزادے پرنس ولیم کی اہلیہ کیٹ مڈلٹن کے پاس دنیا کی مشہور ترین انگوٹھی ہے۔
ایک مطالعے کے مطابق کیٹ مڈلٹن کی انگوٹھی دنیا کی مشہور ترین انگوٹھی منتخب ہوئی ہے۔ جبکہ ان کے بعد میگھن مارکل کی انگوٹھی فہرست میں دوسرے نمبر پر ہے۔
کیٹ مڈلٹن کی انگوٹھی میں ایک نیلم اور14 ہیرے جڑے گئے ہیں۔ جبکہ انگوٹھی 18 قیراط وائٹ گولڈ سے تیارکی گئی ہے۔
یہ انگوٹھی اس سے قبل کیٹ مڈلٹن کی ساس شہزادی ڈیانا کے پاس تھی۔ ان کے انتقال کے بعد اس انگوٹھی سمیت ان کے دیگر زیورات بھی ان کے بڑے بیٹے پرنس ولیم کے سپرد کردیئے گئے۔
شہزادی ڈیانا نے یہ انگوٹھی اپنی منگنی پرایک تاج بنانے والے جیولر ‘گیراڈ’ کے ڈیزائنزمیں سے منتخب کی تھی۔ یہ انگوٹھی صرف اپنی خوبصورتی کے باعث ہی انمول نہیں بلکہ یہ شہزادی ڈیانا کی میراث بھی ہے۔
اس انگوٹھی کے ڈیزائن کو نیلم اورہیرے جڑے گئے بروچ سے متاثر ہوکر بنایا کیا گیا ہے جو شہزادہ البرٹ نے ملکہ وکٹوریہ کو تحفے میں دیا تھا۔ ملکہ وکٹوریہ نے اپنی شادی کے موقع پر اسے پہنا تھا۔
بروچ ایک بڑے سائز کے خوبصورت نیلم پر مشتمل ہے۔ اسے سونے سے تیار کیا گیا ہے جس کے چاروں اطراف 12 ہیرے ہیں۔
یہ بھی پڑھیے
بائیڈن کی خواتین ٹیم اور فریکچر
اس فہرست میں دوسرے نمبر پر آنے والی انگوٹھی میگھن مارکل کی منگنی کی ہے جسے شہزادہ ہیری نے ڈیزائن کیا تھا۔
نیلم کی یہ انگوٹھی شہزادہ ہیری کو وراثت میں ملی تھی۔ شہزادہ ہیری نے یہ انگوٹھی ولیم کواس وقت دی جب وہ کیٹ کو شادی کے لیے پروپوز کرنے والے تھے۔
