سکھر ملتان موٹر وے ڈاکوؤں کے ڈیرے، فائرنگ سے 2 شہری جاں بحق، ایک اغوا

 سکھر ملتان موٹر وے ڈاکوؤں کی آماجگاہ بن گئی،ڈاکوؤں نے   واردات کے دوران مزاحمت پر  فائرنگ  کرکے کار سوار 2 افرادکو قتل اور ایک کو اغوا کرلیا۔

 واقعہ سکھرملتان موٹر وے  پر گھوٹکی انٹرچینج کے قریب پیش آیا۔ ڈاکوؤں نے لوٹ مار کے لیے کار سواروں کو روکنے کی کوشش کی اور نہ رکنے پر فائرنگ کردی۔

یہ بھی پڑھیے

آئی بی اے سکھر کے پروفیسر ڈاکٹر اجمل ساوند قبائلی تنازع پر قتل

ڈاکوؤں کی فائرنگ سے کار سوار 2 افراد مہران مہر اور سعید لغاری جاں بحق ہوگئے جبکہ ڈاکوؤں  نےجلال الدین مہر نامی شخص کو اغوا کرلیااور بآسانی فرار ہوگئے۔مقتولین کا تعلق گھوٹکی کے علاقے عدلو مہر سے ہے، ان کی لاشیں قانونی کارروائی کے بعد ورثا کے حوالے  کردی گئیں۔

پولیس کا کہنا ہے کہ ڈاکو جلال الدین مہر نامی شخص کو اغواء کر کے ساتھ لے گئے، ڈاکوؤں کا تعاقب جاری ہے، انہیں جلد گرفتار کر کے مغوی کو بازیاب کر لیں گے۔پولیس نے ڈاکوؤں کے جاگیرانی گینگ کے اس واردات میں ملوث ہونے کا شبہ ظاہر کیا ہے۔